Гәсибкар сионист режимин назирләр кабинети базар ҝүнү Гајыдыш һаггында ганунун шамил едилдији русларын иммиграсијасынын сүрәтләндирилмәси һаггында тәклифи тәсдиг едиб.
Тәклиф малијјә назири Авигдор Либерман вә интеграсија назири Пнина Томано-Шата тәрәфиндән һазырланыб.
Сионист режимин Алијаһ вә Интеграсија Назирлијинин гијмәтләндирмәләринә ҝөрә, Русија-Украјна мүһарибәси илә әлагәдар миграсијанын хејли артаҹағы ҝөзләнилир. Назирлијин мәлуматына ҝөрә, февралда Украјнаја һүҹумдан етибарән 40 000-дән чох јени иммигрант ҝәлиб, онларын тәхминән 24 мини Русијадан ҝәлиб. Бу, сон ијирми илдә ән бөјүк далғадыр.
Бундан башга, һөкумәт Јәһуди Аҝентлијинә Азәрбајҹан вә Финландијада Исраилә гајытмаға чалышан Русија јәһудиләри үчүн мүвәггәти дүшәрҝәләр тәшкил етмәјә иҹазә вериб. Иддиа олунур ки бу дүшәрҝәләр Румынија вә Полшада Украјна гачгынлары үчүн олан дүшәрҝәләр кими ишләјәҹәк. Јәһуди Аҝентлијинин нүмајәндәләри Тһе Жерусалем Пост-а билдирибләр ки, онлар јәһуди рус олимләрә(Ишғал олунмуш Фәләстин әразиләринә ҝәтирилән јәһудиләр) јардым механизми ишләјиб һазырлајаҹаглар.
Тһе Жерусалем Пост -ун мәлуматына ҝөрә, Исраил адландырылан ишғал олунмуш Фәләстинә ҝириш һүгугу олан 55 000-ә јахын русијалы јәһуди јашыл ишыг ҝөзләјир, бу барәдә өтән һәфтә Исраилдәки мәнбә мәлумат вериб вә әлавә едиб ки, 40 000-ә јахын рус иммиграсија визасы алыб, 15 000 нәфәрин исә виза алмасы просеси давам едир. Мәнбә әлавә едиб ки, 70 000-ә јахын Русија јәһудиси вә сионист режимин Гајыдыш һаггында ганунуна ујғун олараг иммиграсија һүгугу олан руслар һазырда Русија вә Украјна илә гоншу өлкәләрдә јохсуллуг ичиндә јашајыр.
342/
