Мәһәммәд Мәрәнди өз рәсми Твиттер сәһифәсиндә јазыб: "Боррелл АБШ-ын мүттәфигидир вә унудур ки, бу данышыгларын сәбәби Гәрбин нүвә сазышыны позмасы вә Иранын она там әмәл етдији шәраитдә белә Иран вәтәндашларыны һәдәфә алан максимум тәзјиг санксијаларыдыр".
Мәрәнди әлавә едиб: "Иран мәтндәки гејри-мүәјјәнликләри вә бошлуглары гәбул етмәјәҹәк. АБШ Авропа Иттифагына хәрҹләр гәбул етдирир".
Авропа Иттифагынын хариҹи сијасәт рәһбәри Ҹозеп Боррелл мәтбуат конфрансында Иранын нүвә анлашмасынын ҹанландырылмасы илә бағлы кечмишә нисбәтән даһа аз оптимист олдуғуну билдириб.
Ҹозеп Боррелл дејиб: "Иранын нүвә сазиши илә бағлы данышыгларда фикирләр үст-үстә дүшмәк әвәзинә, ҝетдикҹә узаглашыр".
АБШ вә Иран сон заманлар нүвә сазишини ҹанландырмаг үчүн Авропа Иттифагынын тәклиф етдији мәтнә бир-биринин ҹавабларыны нәзәрдән кечирир. Һансы ки, Авропа Иттифагынын хариҹи сијасәт рәһбәри вә Вјана данышыгларынын координатору Ҹозеп Боррелл-ин сөзләринә ҝөрә, бу, лајиһәнин сон мәтни вә нүвә сазишинин дирчәлдилмәси үзрә разылығын әлдә олунмасы үчүн сон тәклифдир.
342/
