ҝөрүшүн сонунда Авропа Иттифагы Шурасынын рәһбәри Шарл Мишел Илһам Әлијев вә Никол Пашинјанла ҝөрүшүн јекунларына даир бәјанатла чыхыш едиб. Бәјанатда гејд олунан әсас мәгамлар бунлардыр:
▪️Ермәнистан вә Азәрбајҹан арасында дөвләтләрарасы мүнасибәтләри тәнзимләјән сүлһ мүгавиләси үзрә ирәлиләјиш әлдә етмәк үчүн әсаслы иши ҝүҹләндирмәк барәдә разылыға ҝәлиниб.
▪️Ики өлкәнин хариҹи ишләр назирләринә мәтн лајиһәләринин һазырланмасы үчүн бир ај әрзиндә ҝөрүшмәк тапшырылыб.
▪️Һуманитар мәсәләләр, о ҹүмләдән миналарын тәмизләнмәси, сахланыланларын вә иткин дүшмүш шәхсләрин талеји мүзакирә едилиб
▪️Сәрһәдин делимитасијасы илә бағлы бүтүн мәгамлар нәзәрдән кечирилиб.
▪️ Сәрһәдин делимитасијасы комиссијаларынын нөвбәти иҹласынын нојабр ајында Брүсселдә кечирилмәси барәдә разылыға ҝәлиниб.
Мишел сонра дејиб: “Биз нәглијјат әлагәләринин блокдан чыхарылмасы үсуллары илә бағлы мүзакирәләрин прогресини нәзәрдән кечирдик. Бүтүн бу мүзакирәләрлә јанашы вурғуламаг истәрдим ки, һәр ики тәрәфин халгларын әлагәси вә онлары узунмүддәтли давамлы сүлһә һазырламаг ваҹибдир”.
Онун сөзләринә ҝөрә, Авропа Иттифагы узунмүддәтли давамлы сүлһә доғру дәстәјини даһа да ҝүҹләндирмәјә һазырдыр. АИ һәм дә һәр ики өлкәнин вә онларын әһалисинин рифаһы наминә игтисади инкишафын ирәлиләјишинә тәкан вермәјә давам едәҹәк.
Гејд едәк ки, лидерләр нојабрын сонуна гәдәр бу форматда јенидән ҝөрүшмәјә разылашыблар.
342/
