журналистләрә ачыгламасында Азәрбајҹан Республикасы Президентинин көмәкчиси - Азәрбајҹан Республикасы Президентинин Администрасијасынын Хариҹи сијасәт мәсәләләри шөбәсинин мүдири Һикмәт Һаҹыјев билдириб ки, Августун 31-дә Авропа Иттифагы президентинин иштиракы илә Азәрбајҹан вә Ермәнистан лидерләринин ҝөрүшү ҝөзләнилир. Азәрбајҹанын бу ҝөрүшдә әсас ҝөзләнтиси сүлһ сазишинин һазырланмасы үчүн ишчи групунун артыг фәалијјәтә башламасы илә бағлыдыр.
Дөвләт рәсмиси дејиб: "Авропа Иттифагы чәрчивәсиндә кечирилән бу кими ҝөрүшләрдә вә сонунҹу ҝөрүшләрдә үчтәрәфли әсасда гәбул едилмиш бәјанатда гејд олунуб ки, сәрһәдләрин делимитасијасы вә сүлһ мүгавиләсинин һазырланмасы үзрә гыса мүддәтдә ишчи груплары јарадылмалы вә фәалијјәтә башламалыдыр: Азәрбајҹанын ҝөзләнтиси әсасән бундан ибарәтдир. Анҹаг ҝөрәк Ермәнистан тәрәфи нә фикирләшир. Ермәнистан тәрәфинин јенә дә мүхтәлиф бәһанәләрлә мөвзудан гачмаг кими сијасәт јүрүтдүјүнә даир мүәјјән ишарәләр вар. Һәр бир һалда, биз ҝөзләјәк вә нәтиҹәләрә бахаг. Азәрбајҹанын әсас нијјәти хүсусилә сүлһ мүгавиләсинин тәфәррүатлары вә үмуми мәтни үзрә данышыглар просесинин олмасыдыр. Тәбии ки, Азәрбајҹан сүлһ, сүлһ мүгавиләсинин тезликлә имзаланмасыны истәјир."
Онун сөзләринә ҝөрә, Азәрбајҹан истәјир ки, бејнәлхалг һүгугун норма принсипләри әсасында ики дөвләт арасындакы мүнасибәтләр тәсбит олунсун вә реҝионда бунун әснасында давамлы сүлһ тәмин едилмиш олсун. Амма Азәрбајҹанын бу сүлһпәрвәр нијјәти дә һәмишә вә әбәди олараг маса үзәриндә олмајаҹаг. Бурада ана принсип ондан ибарәтдир ки, дөвләтләр гаршылыглы шәкилдә бир-биринин әрази бүтөвлүјүнү, суверенлијини вә сәрһәдләринин тохунулмазлығыны танымалыдырлар. Хүсусилә дә бејнәлхалг сәвијјәдә танынмыш сәрһәдләр дахилиндә сәрһәдләрин танынмасы шәртдир. Азәрбајҹан бејнәлхалг һүгуга мәсулијјәтли формада јанашараг бу шәртләрә әмәл етмәјә һазырдыр.
342/
