“Азәрбајҹан бир чох актуал мәсәләләрин һәллиндә мүһүм рол ојнајыр”

АБНА24 Хәбәр Верир , Владимир Путинин 28 мај мүнасибәтилә Азәрбајҹан Республикасынын президенти Илһам Әлијевә үнванладығы тәбрик мәктубунда дејилир: "Азәрбајҹан дүнја аренасында һаглы нүфуз газаныб, бејнәлхалг ҝүндәлијин бир чох актуал мәсәләләринин һәллиндә мүһүм рол ојнајыр. Өлкәнизин сосиал-игтисади инкишафда газандығы уғурлар һамы тәрәфиндән гәбул едилиб".

Мәктубда һәмчинин гејд олунур: “Русија-Азәрбајҹан мүнасибәтләринин јүксәк сәвијјәсини мәмнунлугла гејд едирик. Феврал ајында имзаланмыш Мүттәфиглик Гаршылыглы Фәалијјәти һаггында Бәјаннамә, һеч шүбһәсиз, бүтүн саһәләрдә икитәрәфли әлагәләрин кејфијјәтҹә јүксәлмәсинә шәраит јарадаҹаг. Бу, дост халгларымызын мәнафеләринә там ҹаваб верир”.

Бунунла да Русија дөвләт башчысы 22 феврал бәјаннамәсини хатырлатмагда Америка президенти Ҹо Бајденин Илһам Әлијевә үнванладығы мәктуба да ҹаваб вермиш олуб. Белә ки, Бирләшмиш Штатларын Азәрбајҹаны өз јанында ҝөрмәсинә вә Русијадан үз дөндәрмәсинә имкан верилмәјәҹәкдир.

Гејд едәк ки, сөзү ҝедән бәјаннамәдә Азәрбајҹанын үзәринә бир-чох өһдәликләр гојулуб вә рәсми Бакы Русијанын марагларына зидд һеч бир фәалијјәтдә иштирак етмәмәлидир. Һазырда Украјна бөһранына мүнасибәтдә Азәрбајҹанын Русијаны гыҹыгландыра биләҹәк аддымлар атмамасы бунунла бағлыдыр.

342/