АБНА24 Хәбәр Верир , Никол Пашинјан парламентдә һөкумәт үзвләри илә суал-ҹаваб заманы дејиб ки, Ермәнистан тәрәфи һәлә ки, Ермәнистанда Азәрбајҹан анклавларыны де-јуре гејдә алмајыб.
Баш назир депутатлары әмин едиб ки, Брүсселдә белә бир мәсәлә мүзакирә олунмајыб. Бунунла белә, о вурғулајыб ки, Азәрбајҹан бу мәсәләни мүхтәлиф форматларда ејһамла вә ја дүз хәтт илә галдырыр.
Мараглыдлыр ки, Анклавлар барәдә илк дәфә 2021-ҹи ил мајын 28-дә Ермәнистанын баш назири Никол Пашинјан данышыб. О, Азәрбајҹана әрази мүбаһисәләрини һәлл етмәк үчүн совет дөврүндән мөвҹуд олан анклавларла мүбадилә етмәмәји тәклиф едиб.
"Әҝәр кимсә дејирсә ки, анклавлары вар, биз дә дејирик ки, бизим дә анклавларымыз вар. Бејнәлхалг тәҹрүбәдә гәрарлар олуб. Бу, беләдир - бу бахымдан әразијә ким саһибдирсә, она галыр. Вә бу мәсәлә гаршылыглы шәкилдә һәлл олунур”, - дејә Пашинјан о вахт билдирмишди.
Азәрбајҹан рәсмиләри исә исрар едирләр ки, Ермәнистанын нәзарәти алтында олан Газах рајонунун једди вә Нахчыван Мухтар Республикасынын бир анклав кәнди дөвләт сәрһәдләринин делимитасијасы просесиндә Азәрбајҹанын тәркибинә гајыдаҹаг.
342/
27 may 2022 - 19:39
Xəbər kodu: 1261514
Ермәнистанын баш назири бәјан едиб ки, онун өлкәси индијәдәк Ермәнистан әразисиндә Азәрбајҹан анклавларынын олмасыны гејдә алмајыбдыр.
