АБНА24 Хәбәр Верир , Армен Григорјан “Арменпресс” Хәбәр Аҝентлији илә мүсаһибәдә Азәрбајҹан президенти Илһам Әлијев Түркијә президенти Рәҹәб Тәјјиб Әрдоғанла телефон данышығында сөјләдији фикирләрә мүнасибәт билдирәркән дејиб: "Ермәнистан Республикасынын мөвгеләри дәјишмәјиб. Ермәнистан әразисиндә дәһлиз мәнтиги илә јол вә ја нәглијјат маршруту ола билмәз. Брүсселдә әлдә олунан бүтүн разылашмалар реҝионал коммуникасијаларын ачылмасына аиддир."
Брүссел ҝөрүшүнүн јекуну олараг Авропа Иттифагы Шурасынын президенти Шарл Мишелин вердији бәјанаты хатырладаг ермәни рәсми гејд едиб ки, реҝионал коммуникасијаларын ачылмасыны нәзәрдә тутан разылашмаларда сәрһәд, ҝөмрүк нәзарәти, өдәнишләрин алынмасы, бејнәлхалг транзитин тәшкили мәсәләләринә тохунулуб.
Ермәнистан Тәһлүкәсизлик Шурасынын катиби әлавә едиб ки, бунлар “Ермәни говшағы” лајиһәсинин һәјата кечирилмәси үчүн ваҹиб мәсәләләрдир вә Ермәнистан һөкумәти бу истигамәтдә ардыҹыл шәкилдә ҝедәҹәкдир.
342/
25 may 2022 - 17:46
Xəbər kodu: 1260882
Ермәнистан Тәһлүкәсизлик Шурасынын катиби бу өлкә әразисиндә дәһлиз мәнтиги илә јол вә ја нәглијјат маршрутунун олмајаҹағыны билдириб.
