АБНА24 Хәбәр Верир , Шәнбә ҝүнү үзләрини өртмәдән верилиш апаран Әфганыстан телевизија каналларынын гадын диктор вә апарыҹылары беләликлә, Талибан-ын бу барәдәки ҝөстәришинә мејдан охујуб вә бу групун Ислам дини барәдә олан сәрт гәнаәтинә тәслим олмајыблар.
Талибан өтән ил һакимијјәтә јенидән гајытдығы замандан бәри вәтәндаш ҹәмијјәтинә гаршы ҹидди мәһдудијјәтләр тәтбиг едибдир ки, онун башлыҹа һиссәси, гадынларын һүгугларынын мәһдудлашдырылмасына шамил олур.
Ҹари ајын әввәлләриндә Талибан-ын башчысы гадынларын иҹтимаи јерләрдә бурка илә там шәкилдә өртүлмәләрини тәләб едән ҝөстәриш верди, һалбуки әввәлләр гадынларын сачларыны бүрүмәк үчүн јајлыг өртмәләри кифајәт едәрди.
Әфганыстанын Әмр бе Мәруф вә Нәһј әз Мүнкәр Назирлији гадын телеапарыҹылара, шәнбә ҝүнүнәдәк бу ҝөстәриши јеринә јетирмәк әмри вермишди.
Амма Толу-Нјус, Шәмшад ТВ вә Оне ТВ-нин гадын журналистләри үзләрини өртмәдән ҹанлы јајыма чыхыблар.
Шәмшад ТВ-нин хәбәр бөлмәсинин мәсул шәхси Абид Еһсас дејир ки; бизим гадын һәмкарларымыз үзләрини өртәҹәкләри тәгдирдә, онлара ишдән әл чәкмәләрини сөјләјәҹәјимиздән еһтијат едирләр. Мәһз бу сәбәбдән, индијәдәк бу ҝөстәришә әмәл етмәјибләр.
342/
23 may 2022 - 14:53
Xəbər kodu: 1260100
Әфганыстанда гадын телевизија апарыҹылары Талибан-ын/ онларын үзләрини өртмәләри барәдәки ҝөстәришини јеринә јетирмәкдән бојун гачырырлар.
