АБНА24 Хәбәр Верир , Армен Григорјан һөкумәтин иҹласындан сонра журналистләрлә кечирдији брифингдә дејиб: "Гарабағ халгынын тәһлүкәсизлији вә һүгугларынын мүдафиәси ермәни тәрәфи үчүн приоритет мәсәләдир вә Ермәнистан бу ҝүндәмлә данышыглар апарыр."
Һөкумәт рәсмиси сонра гејд едиб: "Тәһлүкәсизлик вә һүгугларын мүдафиәси приоритетдир, јәни Артсахда јашајан сојдашларымызын тәһлүкәсизлији вә һүгуглары мүдафиә олунмалы. Артсахын статусу да бундан ирәли ҝәлир. Вә биз бу ҝүндәмлә данышыглара ҝедирик”.
Хатырладаг ки, Ермәнистан һөкумәти Азәрбајҹанын сүлһ үчүн ирәли сүрдүјү беш шәрти о ҹүмләдән дә гоншу дөвләтин әрази бүтөвлүјүнү танымагда проблем ҝөрмәдијини елан етсә дә, онун һазырда сәрҝиләдији мөвге бунунла зиддијјәт тәшкил едир вә онун Гарабағ шәрти Азәрбајҹан рәсмиләрини һөвсәләдән чыхарыб.
Ермәнистанда мүхалифәт нүмајәндәләри вә реваншистләр Пашинјан һөкумәтини Гарабағы Азәрбајҹана тәһвил вермәјә һазырлашмагда иттиһам едирләр. Буна ҹаваб олараг баш назир өлкә парламентиндә Гарабағла бағлы мөвгејини дәјишмәјә мәҹбур олараг һәр һансы бир сүлһ сазишиндә Гарабағ ермәниләринин тәһлүкәсизлији вә һүгугларынын горунаҹағына сөз верди. Бу исә истәр-истәмәз ҝөрүшләрин сәмәрәлилијини шүбһә алтына алыр.
Ејни заманда Гәрб дөвләтләринин статус мәсәләсиндә исрарлы галмасы вә Русијанын сүлһ просесини өз монополијасында сахламаға ҹәһд етмәси дә Ермәнистан-Азәрбајҹан данышыгларына негатив тәсир бурахыр. Хүсусилә дә рәсми Ирәванын Русијадан иҹазәсиз Гарабағ мәсәләсиндә Бакы илә һансыса сөвдәләшмәјә ҝетмәси инандырыҹы дејилдир.
342/
22 may 2022 - 10:38
Xəbər kodu: 1259694
Ермәнистан Тәһлүкәсизлик Шурасынын катиби Гарабағын статусу илә бағлы рәсми Ирәванын һансы мөвгедә олдуғуна ајдынлыг ҝәтириб.
