АБНА24 Хәбәр Верир , Азәрбајҹан Республикасы Президентинин көмәкчиси - Азәрбајҹан Республикасы Президентинин Администрасијасынын Хариҹи сијасәт мәсәләләри шөбәсинин мүдири Һикмәт Һаҹыјев мүхбирләрә дејиб ки, Ермәнистан-Азәрбајҹан мүнасибәтләринин нормаллашмасында әсас ана гајә дөвләтләрин бир-биринин әрази бүтөвлүјүнү вә суверенлијини танымасыдыр.
Президентин көмәкчиси һәмчинин дејиб ки, әҝәр Ермәнистан да Азәрбајҹанын әрази бүтөвлүјүнү таныјырса вә гәбул едирсә, бу әснада биз дөвләтләр арасында мүнасибәтләрдә нормаллашмаја наил ола биләрик:
"Дүздүр, Ермәнистанын бундан башга чыхыш јолу да јохдур. Ермәнистан Азәрбајҹанын әрази бүтөвлүјүнү танымалыдыр вә үзәринә дүшән бејнәлхалг һүгуги өһдәлији дә бундан ибарәтдир.”- дејә Һикмәт Һаҹыјев билдириб.
Ермәнистанын баш назири Никол Пашинјан исә ҹүмә ҝүнү һөкумәтин илҹасында етдији чыхышында иҹтимаи мүзакирәләр, о ҹүмләдән Дағлыг Гарабағ сакинләрилә мүзакирәләр олмадан Азәрбајҹанла сүлһ сазишинин имзаланмасыны истисна едиб.
342/
24 aprel 2022 - 11:35
Xəbər kodu: 1251241
Һикмәт Һаҹыјев Ермәнистанын Азәрбајҹанын әрази бүтөвлүјүнү танымалы олдуғуну вурғулајыб Пашинјан исә Гарабағын разылығы олмадан Азәрбајҹанла сүлһ мүгавиләсини имзаламајаҹағыны дејиб.
