АБНА24 Хәбәр Верир ,Мүгтәда Сәдр Анкаранын ПКК илә мүбаризә бәһанәсилә Ираг әразисиндә јени һәрби әмәлијјата башламасына реаксија вериб вә ону писләјибдир.
О, билдириб ки, Бағдад Ираг әразисинин Түркијә тәрәфиндән ардыҹыл сурәтдә бомбаланаҹағы һалда, сакит галмајаҹаг.
Сәдр әлавә едиб: Гоншу өлкә- Түркијә, һеч бир һагг вә бәһанәјә малик олмадан Ираг әразисини бомбалады. Әҝәр Түркијәни Ираг әразисиндән бир тәһлүкә тәһдид едирдисә, бу өлкә һәмин тәһлүкәни арадан галдырмаг үчүн Ираг һөкумәтилә координасија јаратмалы иди, чүнки Ирагын тәһлүкәсизлик гүввәләри бу тәһлүкәни арадан галдырмаг ҝүҹүнә маликдирләр.
О, сонра дејиб: Әҝәр Түркијә бу иши тәкрар едәрсә, биз сусмајаҹағыг, зира Ираг там суверен бир өлкәдир. Биз бүтүн гоншу өлкәләрлә мүвазинәтли вә гаршылыглы әлагәләрин ҝүҹләндирилмәси, еләҹә дә мөвҹуд дипломатик чәрчивәләрә ујғун сурәтдә гаршылыглы дипломатик вә тәһлүкәсизлик әлагәләринин тәрәфдары олсаг да, әразимизә гаршы тәҹавүзү вә тәһлүкәсизлијимизин позулмасыны, еләҹә дә дост вә гардаш гоншу өлкәләрин әразиләринә гаршы тәҹавүзү гәбул етмәјәҹәјик…
Ирагын хариҹи ишләр назирлији дә дүнән рәсми бир бәјанатда Түркијәнин Ирага гаршы һәрби һүҹумуну гәтијјәтлә писләјиб вә ону бејнәлхалг ганунлара вә динҹ јанашы јашама принсипинә зидд адландырыб.
Ираг хариҹи ишләр назирлијинин рәсми бәјанатында дејилир: Ираг һөкумәти Түркијә гүввәләринин һәрби әмәлијјатыны вә Ираг әразисини Мәтинә, Заб, Әфашин вә Пасиан бөлҝәләриндә һәрби һеликоптерләр вә ПУА-ларла бомбаламасыны кәскин тәрздә писләјир.
Түркијә вә ПКК бир нечә он илдир ки, бир-бириләрилә һәрби вәзијјәтдәдирләр. Бәзи мәлуматлара әсасән, тоггушмалар нәтиҹәсиндә индијәдәк ики тәрәфдән гырх миндән чох нәфәр өлүб.
Анкара ПКК-ны террорчу груп һесаб едир.
342/
20 aprel 2022 - 10:59
Xəbər kodu: 1249892
Ирагда Сәдр ҹәрәјанынын рәһбәри Ираг әразисиндә јени һәрби әмәлијјатын башланмасы һагда Түркијәјә хәбәрдарлыг едиб. Билдириб ки, өлкәси бомбардманларын давам едәҹәји тәгдирдә сакит галмајаҹаг.
