АБНА24 Хәбәр Верир ,Русија Мүдафиә Назирлији Украјнада кечирилән хүсуси һәрби әмәлијјат барәдә нөвбәти мәлуматы ачыглајыб.
Русија Мүдафиә Назирлијинин рәсми нүмајәндәси Игор Конашенков бу ҝүн кечирдији брифингдә билдириб ки, бу өлкә ордусу Украјна силаһлы гүввәләринин Лвовда јерләшән 124-ҹү арха ҹәбһә тәминаты мәркәзинә зәрбә ендириб. Нәтиҹәдә лоҝистика мәркәзи вә сон 6 ҝүндә АБШ вә Авропадан ҝөндәрилмиш бөјүк партија хариҹи силаһ мәһв едилиб.
Конашенков әлавә едиб ки, Украјнанын 331 һәрби објектинә дә ракет зәрбәси ендирилиб.
Бу арада Украјна президенти Владимир Зеленски Донбассда Русија вә Украјна Силаһлы Гүввәләри арасында дөјүш әмәлијјатларынын актив мәрһәләсинин башладығыны билдириб. Зеленски мүраҹиәтиндә дејиб ки, Донбас әразисиндә Русијанын чохсајлы гошуну ҹәмләшиб вә һүҹума һазырдыр.
Бу әрәфәдә АБШ президенти Ҹо Бајден Украјнаја дәстәјин давам етдирилмәси мәсәләләринин мүзакирәси үчүн тәрәфдашлары илә видеоконфранс кечириб. Бу барәдә базар ертәси Ағ Ев мәлумат јајыб. Бу, Русијанын Украјнанын шәргиндә јени бөјүк һүҹума башламасындан бир нечә саат сонра баш вериб.
Диҝәр тәрәфдән Украјна мәнбәләринин иддиасына ҝөрә, рус ордусунун там нәзарәти әлә алмаға чалышдығы Мариупол шәһәриндә мүгавимәтини давам етдирән Азов баталјону рус ордусуна мадди-техники дәстәк верән әсҝәрләри пусгуја салыб.
Бу барәдә Украјна Дахили Ишләр Назиринин мүшавири Антон Ҝерашенко сосиал медиа һесабындан мәлумат јајыб. О, Азов баталјонунун рус әсҝәрләрини вурдуғу пусгудан ҝөрүнтүләри пајлашараг “Мариуполун мүдафиәси давам едир", - дејә билдириб.
Онун сөзләринә ҝөрә, пусгуја дүшән бүтүн рус әсҝәрләри мәһв едилиб.
342/
20 aprel 2022 - 10:47
Xəbər kodu: 1249883
Русија иддиа едир ки, Гәрбин Украјнаја ҝөндәрдији силаһларын јени партијасы мәһв едилиб.
