АБНА24 Хәбәр Верир ,Һүсејн Әмир-Абдуллаһиан дүнән Атом Енержиси үзрә Бејнәлхалг Аҝентлијин баш директору Рафаел Гросси илә ҝөрүшдә аҝентлијин Иран Ислам Республикасы илә әлагә вә әмәкдашлыгларынын Иранын динҹ мәгсәдли нүвә сәнајесинә дәстәк дә дахил олмагла нәзарәт вә арашдырма мөвзуларындан даһа ҝениш саһәләрдә ҝүҹләндирилмәсини истәјиб.
Әмир-Абдуллаиан үмидварлыг едиб ки, Атом Енержиси үзрә Бејнәлхалг Аҝентликлә Иранын Атом Енержиси Тәшкилаты арасында мүзакирәләр вә әлдә олунан анлашма илә икитәрәфли разылашмаларын иҹра саһәсинә даһа артыг шәраит јаранаҹаг.
Сионист режимин бөһран вә ихтилаф јаратмаг саһәсиндәки ролуна тохунан Иранын хариҹи ишләр назири бу режимин аҝентлијин механизмләриндән һәр һансы суи-истифадәни Атом Енержиси үзрә Бејнәлхалг Аҝентлијин баш директорунун диггәтинә чатдырыб.
Атом Енержиси үзрә Бејнәлхалг Аҝентлијин техники вә пешәкар јанашмасына ишарә едән Рафаел Гросси дә гаршылыглы әлагә вә әмәкдашлыгларын ҝүҹләндирилмәси вә јарадыҹы чөзүм јолларынын тапылмасына тәкид едиб.
Атом Енержиси үзрә Бејнәлхалг Аҝентлијин баш директору һәмчинин бу бејнәлхалг органын нүвә енержисиндән динҹ истифадә саһәсиндә бирҝә лајиһәләрә дәстәк үзрә һазырлығыны елан едиб.
Гросси Ирандан ҝөрүшү Иран Ислам Республикасы илә һәмкарлыгларын ҝүҹләндирилмәси, мәсәләләрин һәлли, гаршылыглы дәрк вә диалог үзрә ирадәнин нишанәси адландырыб.
342/
7 mart 2022 - 05:24
Xəbər kodu: 1236726
Иранын хариҹи ишләр назири Атом Енержиси үзрә Бејнәлхалг Аҝентлијин мүстәгил, пешәкар вә тәрәфсиз јанашмасына тәкид едиб.
