АБНА24 Хәбәр Верир , Ингилаб Рәһбәри АБШ режиминин маһијјәт етибарилә бөһран јарадан вә бөһранла јашајан режим олдуғуну гејд едәрәк, билдириб ки, Бирләшмиш Штатлар режими мүхтәлиф бөһранлардан гидаланыр вә бу мафија режими дүнјанын мүхтәлиф бөлҝәләриндә бөһранларын олмасында мараглыдыр. Она ҝөрә дә бөһран оҹаглары јарадыр.
Һәзрәт Ајәтуллаһүл-үзма Хаменеи Украјна бөһранына тохунараг дејиб: “Мәнҹә, Украјна бу сијасәтин гурбаныдыр вә Украјна илә бағлы баш верәнләр дә АБШ-ын сијасәти илә бағлыдыр вә әслиндә АБШ Украјнаны бу нөгтәјә гәдәр сүрүкләјиб. Украјнанын дахили сијасәтинә гарышмаг, һөкумәтләрин әлејһинә митингләр дүзәлтмәк вә рәнҝли дөвләт чеврилиши һазырламаг, АБШ сенаторларынын мүхалифәтчиләрин арасында пејда олмасы белә јерләрә ҝәтириб чыхарыр.”
Ислам Ингилабынын Алимәгамлы Рәһбәринин Украјнадакы һазыркы бөһранын вә мүһарибәнин көкүнә даир фикирләри онун бејнәлхалг сијасәтә вә АБШ режиминин маһијјәтинә там бәләд олмасы, еләҹә дә сон дөврләрдә Гәрбин Украјнада дағыдыҹы ролу фонунда ифадә олунмушдур.
АБШ вә онун авропалы тәрәфдашлары Русијаны зәифләтмәк вә она јахын хариҹдә өлкәләрин режимләрини дәјишмәк үчүн 2000-ҹи илләрин әввәлләриндән бу өлкәләрдә рәнҝли ингилаблары әсас сијасәт вә һәрәкәтләринә чевирдиләр, о ҹүмләдән 2005-ҹи илдә Украјнада баш вермиш нарынҹы ингилаб јолу илә гәрбјөнлү Виктор Јушшенкону һакимијјәтә ҝәтирдиләр.
Даһа сонра, 2014-ҹү илдә АБШ-ын рәһбәрлик етдији Гәрб дүшәрҝәси Украјнанын пајтахты Кијевдә баш верән иғтишашлара вә етиразчылара там дәстәк верди вә сонда Русија илә мүнасибәтләри инкишаф етдирмәк истәјән Украјна президенти Виктор Јануковичин һакимијјәтдән узаглашдырылмасында рол ојнады.
Сонракы илләрдә исә гәрбјөнлү Украјна һөкумәти НАТО вә Авропа Бирлијинә дахил олмаг вә Русијаја гаршы һәрәкәтләрдә АБШ-ла әмәкдашлыг етмәк ҹәһдләри шәклиндә Гәрбә интеграсија мәсәләсини давам етдирди.
Әслиндә, 2014-ҹү илдә Украјнада баш верән һадисәләр Ислам Ингилабынын Алимәгамлы Рәһбәринин гејд етдији кими, бу бөјүк Шәрги Авропа өлкәсиндә гәрбјөнлү режим гурмаг мәгсәди илә мәхмәри бир һәрәкат вә дөвләт чеврилиши һәјата кечирилди ки, Вашингтон вә онун НАТО-дакы авропалы тәрәфдашларынын НАТО-ну шәргә доғру ҝенишләндирмәк планы тәмин олунсун вә Русијанын мүһасирәјә алынараг зәифләдилмәси вә һәмчинин парчаланмасы реаллашсын.
Бу контекстдә Иран Ислам Республикасынын Украјна бөһраны гаршысында тутдуғу мөвге Теһранын АБШ вә НАТО-нун дүнјада, хүсусән дә Авропа вә Гәрби Асијада мәнфи ролуну тәнгид едән үмуми бахышына ујғундур.
342/
3 mart 2022 - 05:39
Xəbər kodu: 1235306
Иран Ислам Ингилабынын Алимәгамлы Рәһбәри Һәзрәт Ајәтуллаһүл-үзма Хаменеи мартын 1-дә Мәбәс бајрамы мүнасибәтилә етдији чыхышында Украјна бөһранына ҝөрә бирбаша АБШ вә Гәрби иттиһам едиб.
