АБНА24 Хәбәр Верир , Азәрбајҹан Республикасынын Гарабағ торпагларынын нәзарәтдән кәнарда галан һиссәсиндә “рус иҹмасы” үзвләринә, еләҹә дә Русија Федерасијасы вәтәндашлары олан ермәниләрә вәсигә верилир.
Бу һагда ермәни телеграм-каналлары мәлумат јајыб.
Мәлуматда дејилир: Рус иҹмасынын фәалијјәти бир чох јерли ермәниләри инандырыб ки, руслар өз доғма Гарабағ торпағыны тәрк етмәк фикриндә дејилләр вә бунунла да ермәниләрин дә Дағлыг Гарабағы тәрк етмәк планларыны дәјишдирирләр.”
Дағлыг Гарабағда русларын вә Русија Федерасијасы вәтәндашларынын сијаһыја алынмасынын тәшәббүскары рус иҹмасынын рәһбәри Александр Бордовдур.
Гејд едәк ки, рус диаспорунун иҹмаларындан биринин белә сијаһыјаалынмасы тарихдә илк дәфәдир апарылыр. А.Бордов Дағлыг Гарабағда һәјата кечирилән “Рус дүнјасы” мәдәни-маариф лајиһәсинин мүәллифидир. Лајиһә чәрчивәсиндә “Русдилли ҹәмијјәт” јарадылыб. Ҹәмијјәтин һимајәси алтында рус дили бүтүн истәјәнләрә пулсуз өјрәдилир, бәдии вә елми монографијалар нәшр олунур.
Русијанын Дағлыг Гарабағда өз мөвгеләрини ҝүҹләндирмәси Азәрбајҹан Республикасында ҹидди нараһатлыг доғуруб. Әһали һесаб едир ки, Русија бу бөлҝәдән Азәрбајҹана гаршы тәзјиг васитәси кими истифадә едәҹәк вә бу мәгсәдлә нөвбәти мәрһәләдә орада јашајан бүтүн ермәниләрә пасспорт пајламасы да истисна олунмур.
Бу арада Азәрбајҹан һөкумәти үчтәрәфли разылашманын мүддәаларыны рәһбәр тутараг Русија һәрби континҝентинин 2025-ҹи илдә бөлҝәни тәрк едәҹәјини үмид етсә дә, ермәни тәрәфи бунун там әлејһинәдир, Кремл исә гошунларыны Гарабағда сахламаг вә нәзарәтини узатмаг үчүн һүгуги әсаслар јаратмагла мәшғулдур.
Ермәнистанда һесаб едирләр ки, мүнагишәнин Русија-Азәрбајҹан мүстәвисинә кечмәси һәм ирәванын, һәм дә сепаратчыларын марагларына ҹаваб верир.
342/
20 fevral 2022 - 08:41
Xəbər kodu: 1231395
Гарабағдакы руслара вә Русија вәтәндашы олан ермәниләрә вәсигәләр верилмәјә башланды.
