АБНА24 Хәбәр Верир , Путин дејиб: “30 илдир бизә дејирләр ки, НАТО-нун үмумијјәтлә, Русија сәрһәдләринә доғру бир гарыш белә ҝенишләнмәси олмајаҹаг вә бу ҝүн биз НАТО инфраструктуруну өз евимиздә ҝөрүрүк”.
Һәрби гаршыдурма мәсәләсинә ҝәлинҹә, о, өлкәсинин мүһарибә истәмәдијини иддиа едиб. “Мүһарибә истәјирикми? Әлбәттә, јох. Она ҝөрә дә биз данышыглар просеси илә бағлы тәклифләр ирәли сүрмүшүк ки, бунун нәтиҹәси һамынын, о ҹүмләдән өлкәмиз үчүн бәрабәр тәһлүкәсизлијин тәмин едилмәсинә даир разылашма олмалыдыр”, - дејә Путин билдириб.
Алманија Канслери Олаф Шолтс исә Русијанын гондарма “Луганск вә Донетск Халг Республикалары"ны таныја биләҹәји барәдә хәбәрдарлыг едиб.
Белә бир аддымы сијаси фәлакәт вә Минск разылашмасынын позулмасы кими сәҹијјәләндирән канслер гејд едиб ки, Украјна бөһранынын һәлли үчүн дипломатик имканлар һәлә түкәнмәјиб.
Русија лидери исә “Донетск Халг Республикасы” вә “Луганск Халг Республикасы”нын танынмасы илә бағлы Дөвләт Думасынын мүраҹиәтиндән мәлуматлы олдуғуну дилә ҝәтириб.
Русија президенти депутатларын Донбас сакинләринин кәдәрини бөлүшән сечиҹиләрә гаршы һәссас олдуғуну сөјләјиб: “Дөвләт Думасынын депутатлары, һәр бир өлкәдә олдуғу кими, Русијада да иҹтимаи рәји, өз сечиҹиләринин рәјини рәһбәр тутурлар. Бу бахымдан, тамамилә ајдындыр ки, өлкәмиздә инсанларын бөјүк әксәријјәти Донбас сакинләринин дәрдинә шәрикдир, онлары дәстәкләјир”.
342/
16 fevral 2022 - 09:44
Xəbər kodu: 1230082
Русија президенти Владимир Путин Алманија канслери Олаф Шолтсла ҝөрүшүндән сонра кечирилән мәтбуат конфрансында НАТО-нун ҝенишләнмәсини сәрт шәкилдә тәнгид едиб.
