АБНА24 Хәбәр Верир , Песков гејд едиб ки, Русија дәфәләрлә Минск тәдбирләр пакетинә садиг галдығыны вә бүтүн Минск фәалијјәт планынын орада нәзәрдә тутулан ардыҹыллыгла мүмкүн гәдәр тез һәјата кечирилмәсинин тәрәфдары олдуғуну бәјан едиб.
О, Русијанын “Луганск вә Донетск Халг Республикалар”ыны танымасы еһтималы илә бағлы рәсми гәрарларын верилмәдијини вурғулајыб.
Кремлин сөзчүсү ТАСС-ын Русија Федерасијасынын һансы шәраитдә белә бир аддым ата биләҹәји суалына ҹаваб вермәкдә чәтинлик чәкиб: “Мән бу суала ҹаваб верә билмәрәм. Билирсиниз ки, бу мәсәлә илә бағлы һеч бир рәсми гәрар верилмәјиб, рәсми мүзакирәләр апарылмыр”.
Дөвләт Думасында бу мөвзунун мүзакирәси барәдә данышан Песков ишарә едиб ки, халг нүмајәндәләри инсанларын фикрини, халгын фикрини әкс етдирир: “Она ҝөрә дә онлар халг үчүн актуал оланы мүзакирә едирләр. Биз буна анлајышла јанашырыг, башга ҹүр јанашмаг мүмкүн дејил”.
342/
16 fevral 2022 - 09:43
Xəbər kodu: 1230081
Кремлин мәтбуат катиби Дмитри Песков журналистләрә ачыгламасында Дөвләт Думасы тәрәфиндән “Луганск вә Донетск Республикалары”нын танынмасы илә бағлы Президент Владимир Путинә мүраҹиәти шәрһ едәркән дејиб ки, Русија ҹәмијјәти Донбасын талејинә биҝанә дејил, лакин Москва Минск разылашмаларына садиг галыр.
