Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “WhatsApp” мессенҹеринин масаүстү версијасында фонда сәсли месажлары динләмәк мүмкүн олаҹаг. Бу режим даһа әввәл “iОS”ун “бета” версијасына әлавә едилиб, јахын ҝүнләрдә исә “Андроид”дә ҝөрүнәҹәк.
Јени функсија сајәсиндә арха фонда сәсли месажлара гулаг асаркән ону дајандырмадан башга чата вә ја әсас менјуја кечмәк мүмкүн олаҹаг.
Ашағыдакы екран ҝөрүнтүсүндә дә ајдын олур ки, сәсли исмарышы сәсләндириб башга сөһбәтә кечдијимиз заман “WhatsApp” сәсли гејди охутмағы дајандырмыр. Чат сијаһысынын ашағысында јени аудио плајер панели ҝөрүнүр. Бу панел сајәсиндә биз сәс гејдини ојнатма дүјмәси илә идарә едә билирик, ирәлиләјиш чубуғунун ҝөстәриҹиси исә сәс гејдинин нә вахт битәҹәјини ҝөстәрир.
Плејер панели истифадәчиләрә сәсли месажы охутмада фасилә вермәјә, давам етдирмәјә вә ја дајандырмаға имкан верир.
Билдирилир ки, функсија артыг “WhatsApp” масаүстү мессенҹеринин ән сон “бета” версијасында мөвҹуддур.
Диггәт: Хәбәрдән Истифадә Етдикдә Мәнбәјә Истинад Лазымдыр!
