АБНА24 Хәбәр Верир, Азәрбајҹан медиалары хәбәр верирләр ки, Гарабағда јерләшән ермәни сепаратчылары гондарма “конститусија ислаһатлары”на башлајыр, “әразиләрин ишғалдан азад едилмәси һаггында” ганун гәбул едир, сүлһмәрамлыларла бирликдә Азәрбајҹанын машынларыны јохлајыр.
Гејд олунур ки, Араикин гондарма “конститусија ислаһаты” өз мөвгеләрини ҝүҹләндирмәјә һесабланыб. Өтән илин сонунда Пашинјанын “Гарабағын статусу Азәрбајҹан Конститусијасына ујғун һәлл едилмәлидир” ачыгламасындан сонра сепаратчыларла Ирәван арасында фикир ајрылығы дәринләшиб вә Араик Аратунјан “Гарабағ кланы”нын үзвләри илә јахынлашмаг хәттини тутуб. “Әразиләрин азад едилмәси” гануну да кечмиш Дағлыг Гарабағ Мухтар Вилајәтинин әразисинә дахил едилән Шуша, Һадрут вә диҝәр әразиләрә иддиа едилмәси мәгсәди дашыјыр: сепаратчы режим бунун мүмкүн олмадығыны анлајыр, лакин бу иддианын “рәсмиләшдирдирилмәси” “Гарабағ кланы” илә һәмрәјлик нүмајиш етдирмәјә һесабланыб.
Бунун фонунда Азәрбајҹанын машын карваныны сүлһмәрамлыларла бирликдә сепаратчыларын да јохламасы “әзәлә нүмајиши”дир: руслар сепаратчы режимин мөвҹудлуғуну нүмајиш етдирирләр вә бу, һәм дә президент Әлијевин “Лачын дәһлизинә фактики биз нәзарәт едирик” ачыгламасына практики формада ҹаваб верилмәјә һесабланыб.
Експертләр дејирләр ки, Гарабағда сакитлик сепаратчыларын мөһкәмләнмәсинә, орадакы ермәниләрин “тәһлүкәсиз шәраитдә” јашамасына шәраит јарадыр.
342/
4 fevral 2022 - 13:32
Xəbər kodu: 1225896
Гарабағдан ҝәлән хошаҝәлмәз хәбәрләр Азәрбајҹан иҹтимаијјәтини гыҹыгландырыр.
