АБНА24 Хәбәр Верир, Јенс Столтенберг Франсанын Брест шәһәриндә кечирилмиш бу ҝөрүш барәдә белә дејиб:Мән чәршәнбә ҝүнү кечирилән Русија-НАТО Шурасынын иҹласы һагдакы мәлуматы Авропа Бирлијинин мүдафиә назирләринә чатдырдым. Русија-НАТО Шурасынын иҹласында НАТО мүттәфигләри вә Русија, мүзакирәләрин бәрпа едилмәси вә ҝәләҹәк иҹласларын програмынын изләнилмәси ваҹиблији барәдә разылыға ҝәлдиләр.
Столтенберг сонра белә вурғулајыб: Бу мүһүм вә һәссас заман кәсијиндә НАТО илә Авропа Бирлији арасында сых әмәкдашлыг, Авропанын тәһлүкәсизлији үчүн һәр замандакындан даһа мүһүмдүр.
Өзүнүн Шәргдәки рәгиби вә бир фөвгәлҝүҹ кими Русијаны тәзјиги алтында гојмаг үчүн даима јоллар ахтаран Америка, һазырда «Рус гүввәләрин Украјна сәрһәдиндәки иштиракы бу өлкә үчүн бир тәһдид сајылыр» кими бир иддиа илә бу бөлҝәдә ҝәрҝинлик јаратмаг вә Русијаја тәзјигләри артырмаг үчүн јени бәһанә ахтарыр.
Русија дәфәләрлә бәјан едиб ки, онун Украјна илә сәрһәддәки һәрби иштиракы ади һәрби тәдбирләрдир, лакин Америка вә мүттәфигләри Русија-Украјна сәрһәдини чох ҝәрҝин ҝөстәрмәк нијјәтиндәдирләр.
Гәрб-Москва мүнасибәтләри 2014-ҹү илдән бәри НАТО-нун, хүсусән дә АБШ-ын Шәрги Авропада- Русијанын јахынлығында вә һәтта бу өлкә илә сәрһәддәки һәрби иштиракынын ҝенишләнмәси, Украјна бөһраны, Балтик дәнизи вә Суријанын вәзијјәти илә әлагәдар дөрд истигамәтдә кәскинләшибдир.
342/
14 yanvar 2022 - 10:09
Xəbər kodu: 1218760
НАТО-нун баш катиби тәһлүкәсизлик мәсәләләрини, хүсусән Украјна сәрһәди јахынлығында Русијанын һәрби сәфәрбәрлијинин давам етдирилмәсини мүзакирә етмәк үчүн Авропа Бирлијинин мүдафиә назирләри илә ҝөрүшүб.
