АБНА24 Хәбәр Верир, бу барәдә Газахыстан Хариҹи Ишләр Назирлијинин јајдығы мәлуматда билдирилиб.
Мәлуматда дејилир ки, сәрнишин гатарларынын һәрәкәти там бәрпа едилиб. Бәзи милли өдәниш системләринин иши стабилләшиб. Таланчыларын әмәлләриндән зәрәр чәкән кичик вә орта саһибкарлыға дөвләт дәстәји тәдбирләри ачыгланыб. Манҝистау вилајәтиндә иҹтимаи нәглијјатын, еләҹә дә Актау бејнәлхалг һава лиманынын фәалијјәти бәрпа едилибдир.
Мәлуматда террорчу адландырылан јараглыларын әксәријјәтинин мәһв едилдији вә ја сахланылдығы билдирилиб.
Тоггушмаларын ән чох баш вердији Алматы шәһәриндә исә нәзарәт-бурахылыш мәнтәгәләри јарадылыб вә шәһәрдән чыхышда автомобилләр диггәтлә јохланылыр.
Гејд олунуб ки, шәһәрдә вахташыры атышма ешидилир, лакин әввәлки ҝүнләр кими интенсив дејил. Телевизијаларда хүсуси әмәлијјат апарылан әразиләрдә пәнҹәрәләрдән узаглашмаг чағырышлары тәкрарланыр. Бу арада бәзи әрзаг мағазалары ачылса да, сакинләр сатышда чөрәјин олмадығыны дејирләр.
Бундан өнҹә Алматы вилајәтинин һакимијјәт органлары вәзијјәтин нәзарәт алтында олдуғуну, лакин бөлҝәдә террор тәһлүкәсинин ән јүксәк сәвијјәдә галдығыны бәјан едибләр.
342/
9 yanvar 2022 - 13:54
Xəbər kodu: 1217151
Газахыстанда 5-6 јанвар һадисәләриндән сонра өлкәдә вәзијјәт тәдриҹән мүсбәтә доғру дәјишир. Республикада игтисади фәалијјәтин нормаллашмасы мүшаһидә олунур.
