АБНА24 Хәбәр Верир, Әфганыстанын сабиг президентинин гардашы, сијаси вә игтисади мәсәләләр үзрә експерт Һешмәт Гәни Әһмәдзај Әфганыстанын “Сәһәр” каналынын “Гырмызы Ишыг” верилишиндә Трамп һөкумәтинин талибләрлә сөвдәләшмәсинә ишарә илә дејиб ки, американларын талибләрлә мүзакирәләриндән сонра тамамилә мәлум иди ки, Талибан ҝеҹ-тез Әфганыстанда һакимијјәтә ҝәләҹәк.
Һешмәт Гәни сон Әфганыстан олајларынын Американын истәји вә ирадәсилә баш вердијини вурғулајыб. Дејиб ки, Әфганыстанын сабиг президенти һәр һалда өлкәни бурахмалы вә һөкумәт талибләрә тапшырылмалы иди.
Һешмәт Гәни Әфганыстанын малијјәләринин АБШ вә бәзи Авропа өлкәләри тәрәфиндән дондурулмасы барәдә билдириб ки, бу активләр Әфганыстан халгына аиддир. Дондурулмуш пулларын азад едилмәсилә Талибан һөкумәти мүвәггәти шәкилдә вә гыса перспективдә проблемләри һәлл едә биләр, амма узаг перспективдә јенә дә проблемә үз-үзәдир.
Әфганыстанын игтисади мәсәләләр үзрә бу експерти диҝәр өлкәләрин Әфганыстана көмәк үзрә истәк вә баҹарыгларынын олмамасына тәкидлә билдириб ки, Иранын јардымы олмадан әлагәләр вә Әфганыстанын шәраитинин јахшылашдырылмасы мүмкүн дејил вә имкан бахымындан јардым ҝөстәрә биләҹәк јеҝанә өлкә, Ирандыр.
Иранын игтисади, елми вә техноложи имканларына вә Әфганыстанда мөвҹуд олан потенсиаллара ишарә едән Һешмәт Гәни дејиб ки, Әфганыстан мәдәнләрә вә диҝәр потенсиаллара, Иран да һәмин потенсиаллардан бәһрәләнмә имканларына маликдир.
Әфганыстанын сијаси мәсәләләр үзрә експерти бу өлкәнин сабиг һөкумәтиндәки коррупсијанын дәлилини әҹнәби өлкәләрин сәфирләринин мүдахиләләри адландырыб. Билдириб ки, хариҹи сәфирликләр өнҹәдән Әфганыстан һөкумәтинә бу һөкумәтин нәзарәти хариҹиндә олан фигурлар гәбул етдирмишдиләр.
342/
8 dekabr 2021 - 05:02
Xəbər kodu: 1206373
Әфганыстанын сабиг президентинин гардашы бу өлкәнин сон олајлары барәдә данышаркән Әфганыстанын сијаси системинин позулмасында Американы иттиһам едиб. Билдириб ки, американлар өнҹә Әфганыстанда бир систем јаратдылар, сонра исә ону поздулар.
