Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасынын Президенти Илһам Әлијев декабрын 2-дә АБШ Етник Анлашма Фондунун президенти вә тәсисчиси Марк Шнајери гәбул едиб.
АПА-нын хәбәринә ҝөрә, ҝөрүшдә Азәрбајҹанда тарихән мөвҹуд олан толерант мүһит, бүтүн халгларын вә динләрин нүмајәндәләринин, о ҹүмләдән јәһуди иҹмасынын өлкәмиздә бир аилә кими меһрибанлыг вә әмин-аманлыг шәраитиндә јашамасы мәмнунлугла вурғуланыб.
Диҝәр дини вә етник иҹмаларын нүмајәндәләри илә јанашы, јәһуди иҹмасына дөвләт сәвијјәсиндә јарадылан шәраит вә ҝөстәрилән диггәт, гајғы јүксәк гијмәтләндирилиб, јәһудиләрин өлкәмизин иҹтимаи һәјатында фәал иштиракы гејд едилиб.
Сөһбәт заманы Бакыда кечирилән вә Марк Шнајерин иштирак етдији “Мәдәнијјәт наминә сүлһ” глобал кампанијасынын Тәрәфдашлар Форуму Азәрбајҹанын мәдәнијјәтләрарасы диалогун инкишафына вердији нөвбәти төһфә кими дәјәрләндирилиб.
Гејд едәк ки, Азәрбајҹанда Әлијевләр сүлалә һакимијјәтинин апардыглары сијасәтләр нәтиҹәсиндә бүтүн јабанчы динләр вә мәзһәбләр чох раһат шәкилдә чохалыр вә ајинләрини иҹра едирләр, лакин өлкәнин 90% әһалисини тәшкил едән Шиәләрин исә өз ајинләрини кечирмәк гадаған едилиб. Белә ки, Мүһәррәмлик ајында вә диҝәр ајларда күтләви јығлышыб мәрсијәләр охумаг, рөвзәләр демәк, Имамларын әзадарлыгларыны сахламаг, мәсумларын милад бајрамларыны кечирмәк, Имам Һүсејн бајрагларыны уҹалтмаг вә с. атрибутлардан истифадә етмәк гадағандыр. Буну ҝөрәнләр исә ағыр нағд ҹәримәләр илә үзләшир вә ја зинданлара мәһкум олурлар.
Диггәт: Хәбәрдән Истифадә Етдикдә Мәнбәјә Истинад Лазымдыр!
