АБНА24 Хәбәр Верир,Ентони Блинкен чәршәнбә ахшамы ҝүнү гејд олунан иҹласын кәнарында НАТО-ја үзв өлкәләрин хариҹи ишләр назирләри илә ҝөрүшүб,/ онларла Русијанын Украјнанын шимал вә шәрг сәрһәд бөлҝәләриндәки һәрби иштиракынын артмасы һагда данышыб.
Блинкен мүхбирләрлә мүсаһибәдә билдирибдир ки, Русијанын Украјнаја гаршы һәр һансы јени тәҹавүзү ҹидди ҹавабла үзләшәҹәк.
НАТО-нун баш катиби Јенс Столтенберг дә Украјнадакы дөјүшләрин һәр ҹүр формада шиддәтләнмәси һагда Москваја хәбәрдарлыг едиб.
Столтенберг дејиб ки, әҝәр Русија бир даһа мүстәгил бир өлкәјә гаршы ҝүҹә әл атарса, бу, она баһа баша ҝәләҹәк.
Белә бир һалда, Русијанын Америкадакы сәфири Анатоли Антонов шәнбә ҝүнү билдирмишди ки, Русија бир өлкәјә һүҹум етмәк нијјәтиндә дејилдир.
Антонов гејд етмишди ки, Русијанын Украјнаја гаршы тәһдиди иддиасы илә бағлы бүтүн мүбалиғәләр Украјна президенти Владимир Зеленскинин мәғлубијјәтләрини әсасландырмаг мәгсәдилә сүни формада ирәли сүрүлүб.
Һәмчинин Русија Федерасијасы хариҹи кәшфијјат хидмәтинин директору Серҝеј Нарышкин Американын рус гүввәләрин Украјнаја һүҹуму еһтималы барәдәки иддиасыны Вашингтонун тәблиғат кампанијасы адландырыб. Вурғулајыб ки, Русија тәрәфиндән Украјнаја гаршы бир һүҹум ҝүндәмдә дурмур.
Өтән бир нечә ҝүн әрзиндә бәзи американ медиалар АБШ вә Украјнанын кәшфијјат рәсмиләринә истинадла билдирибләр ки, Русија ҹари ил гышын орталарында Украјнаја һүҹум етмәк нијјәтиндәдир.
Америка Шәргдә өз суперҝүҹ рәгиби һесаб етдији Русијаны даима тәзјиг алтында гојмаг јолларынын ардынҹа олуб. Бирләшмиш Штатлар һазырда/ «рус гүввәләрин Украјна сәрһәдләриндә иштиракы бу өлкә үчүн бир тәһдид һесаб олунур» иддиасы илә Москваја гаршы тәзјиги артырмаг вә бу бөлҝәдә ҝәрҝинлик јаратмаг үчүн јени бир бәһанә ахтарыр.
342/
2 dekabr 2021 - 04:45
Xəbər kodu: 1204299
АБШ дөвләт катиби НАТО-ја үзв өлкәләрин хариҹи ишләр назирләринин Латвијанын пајтахты Ригада кечирилән иҹласы кәнарында хәбәрдарлыг едибдир ки, Русија тәрәфиндән Украјнада ихтилафларын һәр һансы формада шиддәтләндирилмәси ҹидди нәтиҹәләрлә үзләшәҹәк.
