АБНА24 Хәбәр Верир, Сәид Хәтибзадә журналистләрин Американын гондарма ишчи групу, Авропа үчлүјү вә Фарс Көрфәзи Әмәкдашлыг Шурасынын Иран барәдәки бәјанаты илә бағлы суалларына ҹавабда билдириб ки, бу иҹлас вә тәнзим едилмиш бәјанат о гәдәр сахта, нүмајишкаранә вә гејри-леҝитимдир ки, она ҹаваб вермәјә белә, дәјмәз.
О, мәсәләјә белә ајдынлыг ҝәтириб: 2231 сајлы гәтнамәни позан, нүвә анлашмасындан чыхан, јаранмыш һазыркы вәзијјәтдә мәсулијјәт дашыјан вә нүвә силаһларындан истифадә кечмишинә малик олан јеҝанә өлкә, мүхтәлиф өлкәләрин дахили ишләринә чох сајда мүдахиләләрдән ибарәт гара кечмишә малик олан тәрәф, һәмчинин дүнјанын мүхтәлиф бөлҝәләринә әсас силаһ вә сурсат сатыҹысы олан Америка һөкумәти бир даһа Ирана гаршы атмосфер вә бөһран јаратмаг нијјәтиндәдир.
Хәтибзадә сонра белә сөјләјиб: Јәмәнә једди ил тәҹавүз дә дахил олмагла реҝиондакы тәҹавүзләри вә авантүраларына ҹавабдеһ олмалы олан өлкәләр, башгаларына гаршы иддиачы гисминдә, әсассыз иттиһамлар ирәли сүрә, өзләрини бу ҹинајәтләрин мәсулијјәти алтындан чыхара вә иҹтимаи фикри јајындыра билмәзләр.
Америка һөкумәтинин Иран мәсәләләри үзрә хүсуси нүмајәндәси Роберт Мали, һәмчинин үч Авропа өлкәси- Алманија, Инҝилтәрә вә Франсанын, еләҹә дә Фарс Көрфәзи Әмәкдашлыг Шурасынын нүмајәндәләри Әрријадда Иран барәдә мәшвәрәт едибләр.
АБШ Дөвләт Департаменти бир бәјанатда белә гејд едиб: Бу ҝүн үч Авропа өлкәсинин сијаси лидерләри вә Американын Иран мәсәләләри үзрә хүсуси нүмајәндәси Фарс Көрфәзи Әмәкдашлыг Шурасынын үзвләри, еләҹә дә Мисир вә Иорданијанын тәмсилчиләри илә Әрријадда ҝөрүшүб, мәшвәрәт етдиләр.
Бәјанатда сонра белә дејилир: Онлар реҝионун сијаси вә тәһлүкәсизлик дуруму, о сырадан Иранын аддымлары әтрафында фикир мүбадиләси апардылар. Онлар һәмчинин Иран вә Американын Бирҝә Әһатәли Фәалијјәт Планы олан нүвә анлашмасында «гаршылыглы там сәдагәт»ә гајыдышларына даир мүзакирәләрин једдинҹи мәрһәләсинә нәзәр салыблар.
Бәјанатда даһа сонра белә дејилир: Үч Авропа өлкәсинин вә Американын нүмајәндәләри Америка, Авропа, реҝион вә ондан да ҝениш бир мигјас үчүн нүвә анлашмасына гаршылыглы вә бирҝә гајыдыш үзрә мүзакирәләрә әсасланан һәлл јолуна наил олунмасы вә онун дәрһал һәјата кечирилмәсинин өнәминә тәкид едибләр.
342/
20 noyabr 2021 - 12:11
Xəbər kodu: 1200443
Иран Хариҹи Ишләр Назирлијинин сөзчүсү дејиб ки, Американын гондарма ишчи групу, Авропа үчлүјү вә Фарс Көрфәзи Әмәкдашлыг Шурасынын бәјанатына ҹаваб вермәјә дәјмәз.
