АБНА24 Хәбәр Верир, Фәләстин мухтаријјәтинин дини мәсәләләр вә ислами әлагәләр мүшавири вә Фәләстинин баш һакими Маһмуд Әлһәббаш дүнән ҝеҹә дејиб ки, мүсәлман вә христианларын Гүдсә сәфәри вә орадакы мүгәддәс мәканлары зијарәт етмәләри Гүдсүн фәләстинли маһијјәтинә, һәмчинин Гүдсдәки Фәләстин вәтәндашларына, еләҹә дә Фәләстинә мадди, мәнәви вә сијаси дәстәкдир.
Әлһәббаш әрәб вә мүсәлман өлкәләрдән истәјибдир ки, Гүдсә турист сәфәрләринин тәшкил едилмәсиндә Түркијәнин гәрарына охшар гәрарлар чыхарсынлар.
Фәләстинин баш һакими сонра белә сөјләјиб: Бу аддым, Гүдсүн Фәләстинин әбәди пајтахты кими рәсмән танынмасына бир дәстәкдир. Хүсусән она ҝөрә ки, сионист режим онун әрәб вә ислами маһијјәтини арадан ҝөтүрмәк үзрә өз ҹинајәтләрини артырыбдыр.
Фәләстинин баш һакими өтән һәфтә Анкарада Түркијә дини мәсәләләр тәшкилатынын сәдри Әли Әрбашла ҝөрүшүб, онунла Гүдсү һимајә, онун ислами маһијјәтинин горунмасы, һәмчинин сионист режимлә сионист гәсәбә сакинләринин тәҹавүзләрилә мүбаризә јоллары барәдә сөһбәт етмишди.
Әлһәббаш дејиб ки, һәмин ҝөрүшдә әлдә олунан разылашмалардан бири дә Түркијә мүсәлманларынын Гүдсә вә Мәсҹидүләгсаја олан фәрди вә груп һалында сәфәрләринин артырылмасы олубдур.
Белә бир һалда, Түркијә дини мәсәләләр тәшкилатынын сәдри Әли Әрбаш билдирибдир ки, 2022-ҹи илдә Гүдсә 37 сәјаһәт турунун тәшкил олунмасы гәрара алыныб вә мүәјјән шәхсләр дә мүтәхәссис вә истигамәтләндириҹиләр кими сәфәр боју Бејтүлмүгәддәс зәвварларыны мәлуматландыраҹаглар.
342/
19 noyabr 2021 - 21:37
Xəbər kodu: 1200182
Фәләстин мухтаријјәти Түркијәнин өз вәтәндашлары үчүн Бејтүлмугәддсә зијарәт сәфәрләри тәшкил етмәк үзрә гәрарына ҝөрә Анкараја тәшәккүр едиб.
