Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Пакистан Вәһдәт Ассамблејасынын баш катиби Һөҹҹәтүл-Ислам вә Мүслимин Раҹа Насир Аббас Ҹәфәри бәјанат верәрәк өлкәдә Шиәләрин јоха чыхмасынын ардынҹа етираз аксијасы кечирән аиләләрин Карачи полиси тәрәфиндән дөјүлмәсини писләјиб.
О, дејиб: "Иткин дүшәнләрин аиләләринин динҹ нүмајишләри әсас вә гануни һүгугдур. Бу аиләләр бир нечә илдир ки, јахынларынын азадлыға бурахылмасы үчүн етираз аксијасы кечирирләр. Бу инсанлары сыхышдырмаг өлкә конститусијасына зиддир".
Раҹа Нассер әлавә едиб: "Полисләрин нүмајишчиләрә доғру гејри-гануни һәрәкәти нараһатлыг доғурур вә өлкәнин тәһлүкәсизлијини позмаг үчүн бир тәхрибатдыр. Һөкумәт бу инсидентә ҝөрә мәсулијјәт дашыјанларла гәти шәкилдә мәшғул олмалыдыр."
“Пакистанда Шиәләр башсыз дејилләр, дөјүлмәјә сәссиз галмајаҹағыг, һөкумәт вәтәндашлара гаршы силаһ ишләтмәк әвәзинә конститусијаја ујғун һәрәкәт етмәлидир”, - дејә о, јекунлашдырыб.
Гејд едәк ки, бир нечә ҝәнҹ Шиә фәал намәлум шәхсләр тәрәфиндән оғурланараг сахланылыб вә Пакистан һөкумәти онларын вәзијјәтинә ҝөрә мәсулијјәт дашымагдан бојун гачырыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
