Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја Әһли-Бејт (ә) Ассамблејасынын баш катиби Ајәтуллаһ Рза Рамазани Ливана сәфәри чәрчивәсиндә Әмәл һәрәкатынын Сур шәһәриндәки нүмајәндәси Һөҹҹәтүл-Ислам вәл-мүслимин Шејх Һәсән Абдулла илә ҝөрүшүб.
Шејх Һәсән Абдуллаһ Үмумдүнја Әһли-Бејт (ә) Ассамблејасынын баш катибини вә ону мүшајиәт едән һејәти саламлајаркән деди: “Әлламә Сејид Әбдүлһүсејн Шәрафуддин вә Имам Муса Сәдрин мәдәни вә тәблиғат фәалијјәтләри, динләрин вә мәзһәбләрин чох олдуғу бу бөлҝәдә һәмрәјлик вә динҹ јанашы јашама тәрзинин һаким олмасына сәбәб олду. Бу бөлҝәдә мүхтәлиф милләтләрдән олан инсанларын вә БМТ гүввәләринин олмасына бахмајараг, мүгавимәт руһу һөкм сүрүр вә бу руһијјә дүшмәнин өлкәмизин вә бу бөлҝәнин ишләринә ҝириб гарышмасына иҹазә вермир.”
О гејд едиб: Үмид едирик ки, Үмумдүнја Әһли-Бејт (ә) Ассамблејасы илә нәшријјат вә мәдәнијјәт саһәләриндә әмәкдашлыг едә биләк вә Ассамблејанын нәшр етдији мүхтәлиф әсәрләрдән бөлҝәдә истифадә едәк.
Ајәтуллаһ Рамазани Һизбуллаһ вә Әмәл һәрәкаты арасындакы һәмрәјликдән мәмнунлуғуну ифадә едәрәк ҝөрүшү давам етдирәрәк дејиб: “Бу иттифаг мүгавимәтдә даһа чох ҝүҹ јарадаҹаг, мүсәлманларын бирлији бу өлкәнин гүдрәтини артыраҹаг вә дин алимләринин јүксәк мәнәвијјатыны ҝөстәрәҹәк. Дүшмәнләримиз бу бирлији позмаға вә динләр арасында фитнә салмаға, фитнә-фәсада сөвг етмәјә чалышырлар.”
Үмумдүнја Әһли-Бејт (ә) Ассамблејасынын баш катиби сөзүнә давам етди: 70 ил әввәл Гум адлы бир китаб нәшр олунду ки, орада Гум Елми Һөвзәси вә бу Һөвзәнин Али Тәглид Мәрҹәләри вә тәләбәләри һаггында ҝениш арашдырмалар апарылмышдыр. Һамы чалышырды ки, бу китабын нә үчүн һазырландығыны суал алтына апарсын вә белә бир китабын һазырланмасыны әбәс билирдиләр, һалбуки дүшмәнин 70 ил әввәл бу арашдырмадан бу ҝүн һакимијјәтлә алимләр арасында фикир ајрылығы јаратмаг үчүн истифадә едир. Бу ихтилафларын тәләсинә дүшмәмәк үчүн чох диггәтли олмалыјыг вә бу нөв фитнәләр Шиәләрин олдуғу јерләрдә мүшаһидә олунандыр.
О әлавә едиб: “Биз инанырыг ки, Пејғәмбәр (с) вә Әһли-бејт (с) бүтүн мүсәлманлар үчүндүр вә бу үмуми ҹәһәтләрә әсасән, биз бүтүн мүсәлманлар вә сүнниләрлә әлагәни артырмалы, тәкфирчи вә ИШИД ҹәрәјанларыны һәзрәт Мәһәммәд Пејғәмбәрин (сәлләллаһу әлејһи вә алиһ) ҝәтирдији Исламдан ајры билмәли вә узаглашдырмалыјыг.”
Ҹәнаб Шејх Һәсән Абдуллаһ елан етди ки, бу бөлҝәдә һәр 6 ајдан бир динләрарасы диалог кечирилир вә бу севиндириҹи һалдыр. Вә даһа да ҝүҹләндирилмәлидир. Әлламә Шәрафуддин вә Имам Муса Сәдр бу бирләшдириҹи һәрәкатын бајрагдарлары, Имам Муса Сәдрин Килсәдә һазыр олмасы, динләрарасы диалогун јолуну ачды вә бу диалог ҝенишләндирилмәлидир.
Иҹласын јекун һиссәсиндә Үмумдүнја Әһли-Бејт (ә) Ассамблејасынын баш катиби Әмәл һәрәкатынын Сурдакы нүмајәндәсинә хитаб едәрәк дејиб: “Биз сизинлә бу бөлҝәдә мәдәни әмәкдашлығы давам етдирмәјә һазырыг. "
Диггәт: Хәбәрдән Истифадә Етдикдә Мәнбәјә Истинад Лазымдыр!
