АБНА24 Хәбәр Верир, Астани Гүдси Һүсејнинин рәһбәр мүавини "Әфзәл Әл-Шами" дејиб: "Дүнја азадәләринин ағасы вә сәрвәринин вурғунлары вә зәвварлары Ирагын мүхтәлиф вилајәтләриндән Имам Һүсејнин (ә) әрбәини мәрасиминдә иштирак етмәк үчүн һәлә пијада шәклиндә мүгәддәс Кәрбәла шәһәринә доғру ҝедирләр".
Әл-Шами Кәрбәла шәһәринин даһа чох зәввар вә Мөкәби гаршыламаг әрәфәсиндә олдуғуну гејд едәрәк, әлавә едиб: "Хидмәтләр вә тәһлүкәсизлик тәдбирләри давам едир, шәһәрин бүтүн әтраф бөлҝәләриндә тәһлүкәсизлик вәзијјәти стабилдир".
Астани Гүдс Һүсејнинин рәһбәр мүавини билдириб ки, нәглијјат планы, Нәглијјат Назирлији, Мүгәддәс Зијарәтҝаһлар вә диҝәр дәстәк гурумлары кими иштиракчы тәшкилатлар арасында бөлүнүб вә Астани Һүсејни Кәрбәла-Бабил јолундакы зәвварларын дашынмасыны үзәринә ҝөтүрүб вә зәвварларын дашынмасында һеч бир проблем олмајаҹаг".
1443-ҹү һиҹри гәмәри или сәфәр ајынын 20-и, 2021-ҹи милад или сентјабрын 27-и Имам Һүсејн (ә) вә вәфалы көмәкчиләринин Кәрбәла чөлүндә шәһид едилмәләринин гырхынҹы ҝүнү- Әрбәин ҝүнүдүр. Белә бир ҝүндә, бүтүн дүнјадан милјонларла зәввар Имам Һүсејнин (ә) әрбәини мәрасиминә иштирак етмәк үчүн Ирагын ҹәнубундакы Кәрбәла шәһәринә дахил олур.
342/
28 sentyabr 2021 - 14:05
Xəbər kodu: 1183965
Ираг мәнбәләри, милјонларла зәвварын Кәрбәлада Имам Һүсејнин (ә) әрбәини мәрасиминдә иштирак етдијини билдирибләр.
