АБНА24 Хәбәр Верир, Иранын хариҹи ишләр назири Һүсејн Әмир Абдуллаһијан БМТ Баш Ассамблејасынын сессијасынын кәнарындакы ҝөрүшләринин давамында Азәрбајҹан Республикасынын хариҹи ишләр назири Ҹејһун Бајрамовла икитәрәфли әлагәләр әтрафында фикир мүбадиләси апарыб.
Азәрбајҹан Республикасынын хариҹи ишләр назири ҝөрүшүн әввәлиндә Теһранда үчтәрәфли Иран-Түркијә-Азәрбајҹан Республикасы иҹласынын кечирилмәсини алгышлајыб.
Бајрамов ики өлкә әлагәләринин сон дәрәҹә мүсбәт фәаллыға малик вә дүзҝүн истигамәтдә олдуғуну билдириб вә Азәрбајҹан Республикасынын әрази бүтөвлүјүнә дәстәк вердијинә ҝөрә, Ирана тәшәккүр едиб.
Азәрбајҹан Республикасынын хариҹи ишләр назири бу өлкәнин мәдәни, тиҹари, игтисади вә сијаси саһәләр дахил олмагла бүтүн саһәләрдә Иран Ислам Республикасы илә һәмкарлыға һазыр олдуғуну билдириб.
«Азәрбајҹан Республикасы Хәзәр һөвзәсиндәки бирҝә лајиһәләри изләмәјә һазырдыр вә мүхтәлиф сәвијјәләрдә мүнтәзәм мәсләһәтләшмә вә анлашмалар зәрури бир мәсәләдир.»-дејә, Ҹејһун Бајрамов гејд едиб.
Иранын хариҹи ишләр назири дә ики өлкә әлагәләринин хүсуси өнәмә малик олдуғуну билдириб вә кечмиш разылашмаларын иҹра олунаҹағына үмидварлыгла гејд едибдир ки, Иран гоншулары илә мүнасибәтләри өн плана чәкибдир.
Ики өлкәнин бејнәлхалг вә реҝионал тәшкилатларда бир-бириләрини һимајә етдијини бәјан едән Әмир Абдуллаһијан вурғулајыб ки, бу әһвал-руһијјәнин горунуб сахланылмасы зәруридир.
О, һәмчинин ики өлкәнин ортаглыгларыны дәрин вә чешидли адландырыб. Билдириб ки, Иран һәмишә Азәрбајҹан Республикасынын әрази бүтөвлүјүнә дәстәк вериб.
Иранын хариҹи ишләр назири гејд едиб ки, өзәл вә дөвләт секторларында әмәкдашлыг вә Астара дәмирјолу терминалы да дахил олмагла транзит, тиҹарәт, су бәнди иншасы, газ вә електрик енержисинә шамил олан мүхтәлиф саһәләрдә әһәмијјәтли һәмкарлыг вә лајиһәләр изләниләҹәкдир.
Әмир Абдуллаһијан Азәрбајҹан Республикасынын азад едилмиш рајонларынын бәрпасыны ики өлкәнин ҝениш әмәкдашлыг саһәси адландырыб.
Иранын хариҹи ишләр назири вурғулајыб ки, бәзи үчүнҹү тәрәфләрин ики өлкәнин јахшы мүнасибәтләрини тәсир алтына алмаларына иҹазә верилмәмәлидир.
342/
25 sentyabr 2021 - 15:33
Xəbər kodu: 1183002
Иран Ислам Республикасынын хариҹи ишләр назири Нју-Јоркда Азәрбајҹан Республикасынын хариҹи ишләр назири илә ҝөрүшүб вә онунла икитәрәфли әлагәләрин ҝенишләндирилмәси барәдә мәшвәрәт едиб.
