АБНА24 Хәбәр Верир, Франса Президенти Еммануел Макрон Ермәнистанын мүстәгиллик ҝүнү мүнасибәтилә бу өлкәнин президенти Армен Саркисјана ҝөндәрдији мәктубда вурғулајыб ки, Франса бөлҝәдә сүлһүн бәргәрар олунмасында өз ролуну ојнамаға чалышыр вә бу бахымдан Дағлыг Гарабағдакы ганлы мүһарибәдән бир ил сонра бу өлкәнин һәлә дә үзләшдији чәтинликләрин өһдәсиндән ҝәлмәсинә көмәк етмәк үчүн Ермәнистанын јанындадыр
Ермәнистан Президентинин мәтбуат хидмәтинин јајдығы мәлуматда билдирилир ки, Макрон мәктубда гејд едиб ки, рәсми Парис реҝионал инкишаф вә рифаһ наминә Ҹәнуби Гафгазда вәзијјәти сабитләшдирмәк үчүн АТӘТ-ин Минск Групунун һәмсәдрлији чәрчивәсиндә мүнагишәнин давамлы һәлли јолунда сәјләрини әсирҝәмәјәҹәк. Вә Франса Ермәнистанла Азәрбајҹан арасында диалогун бәрпасына јардым етмәјә һазырдыр.
Макрон әлавә едиб ки, Франса илә Ермәнистаны достлуг әлагәләри бағлајыр вә икитәрәфли әмәкдашлығын дәринләшәҹәјинә шүбһә јохдур.
342/
22 sentyabr 2021 - 08:26
Xəbər kodu: 1182156
Макрон ермәни һәмкарына мәктуб ҝөндәриб вә Франсанын Ермәнистана тотал дәстәк вердијини онун диггәтинә чатдырыб.
