АБНА24 Хәбәр Верир, Гәззә золағындакы фәләстинли милли вә ислами ҹәрәјанлар, Америка илә разылашмасыны ләғв етрмәси үчүн БМТ-нин Фәләстин Дидәрҝинләринә Јардым вә Ишләрин Тәшкили үзрә Јахын Шәрг Аҝентлији- УНРWА-нын әмәлијјатына тәзјиг ҝөстәрмәк мәгсәдилә өз халг вә милли фәалијјәтләрини ҝүҹләндирмәк нијјәтиндәдирләр.
Фәләстинин Азадлығы Уғрунда Халг Ҹәбһәсинин Мәркәзи Комитәсинин үзвү Маһир Мәзһәр бу ҝүн билдириб ки, фәләстинли груплар УНРWА-нын Америка илә разылашмасына гаршыдырлар вә УНРWА-нын фәалијјәт ҝөстәрдији бөлҝәләрдә, јәни Гәззә золағы, Иорданија, Сурија вә Ливанда халг фәалијјәтләри вә програмлары јолу илә онун ләғвинә чалышаҹаглар.
Мәзһәр вурғулајыб ки, бу разылашма Фәләстин Азадлыг Ордусунда вә ја диҝәр фәләстинли групларда һәрби тәлимләр ҝөрмүш шәхсләр дә дахил олмагла фәләстинли дидәрҝинләрин башлыҹа һиссәсинә шамил олур вә гејд олунан разылашма УНРWА-нын јүз минләрлә диҝәр дидәрҝинә малијјә јардымынын дајанмасына сәбәб олаҹаг.
Фәләстинин Азадлығы Уғрунда Халг Ҹәбһәсинин Мәркәзи Комитәсинин үзвү вурғулајыб ки, бу разылашма Американын, мүстәгиллијә вә там тәрәфсизлијә малик олмалы олан бејнәлхалг органлара там шәкилдә јијәләнмәси демәкдир.
Фәләстинли милли вә ислами ҹәрәјанлар БМТ-нин баш катибинә мүраҹиәтдә БМТ Баш Ассамблејасынын 302 сајлы гәтнамәси хүсусијјәт тәшкил етмәклә бејнәлхалг ганунлардан бир чохуну поздуғуна ҝөрә, УНРWА-нын һәмин разылашмадан ҝери отурмасыны вә малијјә јардымларындан фәләстинлиләрдән сијаси баҹалма үчүн истифадәнин дајандырылмасы үчүн дәрһал мүдахилә едилмәсини истәјибләр.
Америка 2018-ҹи илин јанварында «әсрин сөвдәләшмәси» адландырылан планы гәбул етмәләри үчүн фәләстинлиләри тәзјиг алтында гојмаг истигамәтиндә УНРWА-ја 300 милјон долларлыг јардымы кәсди.
УНРWА гәрб саһили, Гәззә золағы, Иорданија, Сурија вә Ливандакы алты милјона јахын мүһаҹир вә дидәрҝинә јардым едирди вә һәмин јардымын кәсилмәси бу аҝентлик үчүн бөјүк малијјә бөһраны јарадыбдыр.
342/
22 sentyabr 2021 - 08:23
Xəbər kodu: 1182153
Фәләстинли груплар АБШ-УНРWА разылашмасына гаршыдырлар.
