АБНА24 Хәбәр Верир, Сејид Ибраһим Рәиси таҹикистанлы һәмкары илә ҝөрүшдән сонра кечирдији мәтбуат конфрансында реҝионал әмәкдашлыгларын инкишаф етдирилмәсинин ваҹиблијинә диггәт чәкиб. О, дејиб: "Хошбәхтликдән, Әфганыстанла бағлы фикирләримиз јахындыр вә һәр икимиз дә хариҹи мүдахиләнин бу өлкәдә сајсыз-һесабсыз фәлакәтләрә сәбәб олдуғуна вә әҹнәбиләрин ајагларынын Әфганыстандан кәсилмәси ҝәрәклијинә инанырыг. Әҹнәбиләр һеч вахт тәһлүкәсизлији тәмин едә билмәдиләр, буну етмәк дә истәмәдиләр вә онларын варлығынын вә ролунун давам етмәси гәбуледилмәздир".
Иран Ислам Республикасынын президенти Әфганыстанда террорчуларын мөвҹудлуғунун тәкҹә бу өлкә үчүн дејил, һәм дә бөлҝә үчүн тәһлүкәли олдуғуну вурғулајараг, дејиб: "Бу ҝүн ИШИД-и гуран америкалылар, Ираг вә Суријада шәр төрәтдикдән сонра онлары Әфганыстанда јерләшдирмәјә чалышырлар".
Рәиси, һәмчинин дост вә Иранла ејни дилә саһиб олан Таҹикистанла әлагәләри инкишаф етдирмәјин вә дәринләшдирмәјин ваҹиблијини дә вурғулајыб.
О, дејиб: "Ики өлкә арасындакы мүнасибәтләрдә јени бир сәһифә формалашыр вә үмид едирәм ки, бу сәфәр Теһран-Дүшәнбә мүнасибәтләриндә вә әмәкдашлығында бир дөнүш нөгтәси олаҹаг".
Таҹикистанын президенти Имамәли Рәһман да бу мәтбуат конфрансында, Ираны дост вә Таҹикистанла ејни дилә саһиб олан өлкә адландырыб вә ики өлкә халглары арасындакы бир чох мәдәни вә дини ортаглыглара тохунараг, әлагәләрин даһа да инкишаф етдирилмәси вә дәринләшдирилмәсинин ваҹиблијини вурғулајыб.
Имамәли Рәһман Әфганыстанда баш верән сон һадисәләрә дә тохунараг, дејиб: "Әфганыстанда сүлһ вә сабитлијин тәрәфдарыјыг вә һесаб едирик ки, Әфганыстанда динҹлик бөлҝәнин тәһлүкәсизлијинин гарантыдыр вә инклүзив бир һөкумәтин гурулмасыны бу өлкәдә давамлы сүлһ вә сабитлијин бәргәрар едилмәси үчүн әсас амил һесаб едирик".
342/
19 sentyabr 2021 - 13:14
Xəbər kodu: 1181376
Иран Ислам Республикасы президенти Әфганыстанда гурулаҹаг һөкумәтин әһатәли олмасынын ваҹиблијини вурғулајараг, дејиб: "Бир етникдән вә ја бир сијаси групдан ибарәт олан һөкумәт проблемләри һәлл едә билмәз".
