АБНА24 Хәбәр Верир, бу барәдә јерли “Афҝһанистан Тимес” гәзети билдириб.
Гәзетин мәнбәләринин мәлуматына ҝөрә, дөјүшчүләр Пәнҹширин шимал вә шимал-шәрг һиссәләриндә јерләшән Дара, Абшар вә Пәрјан рајонларыны Талибан силаһлыларындан тәмизләјибләр. Гејд едилир ки, милли мүгавимәт гүввәләринин силаһлылары ағыр дөјүшләр нәтиҹәсиндә Талибанын онларла дөјүшчүсүнү мәһв едиб.
Гејд едәк ки, АБШ-ын бир нечә ај әввәл өз гошунларыны Әфганыстандан чыхараҹағыны елан етмәсиндән сонра Талибан һәрәкаты өлкәдә һөкумәт гүввәләринә гаршы ҝенишмигјаслы әмәлијјата башлајыб. Августун 15-дә Әфганыстан президенти Әшрәф Гәни сәлаһијјәтләрини тәһвил верәрәк өлкәни тәрк едиб вә талибләр дөјүшсүз Кабилә ҝирибләр. Лакин Талибанын һакимијјәти илә разылашмајанлар Әһмәд Мәсудун башчылығы илә Пәнҹширдә мүгавимәт тәшкил едибләр.
Базар ертәси талибләрин нүмајәндәси Зәбиуллаһ Мүҹаһид Пәнҹширин тамамилә Талибанын нәзарәти алтына кечдијини вә буна ҝөрә Әфганыстанда мүһарибәнин баша чатдығыны елан едиб. Өз нөвбәсиндә Мәсуд Әфганыстанын бүтүн сакинләрини үмуми үсјана чағырараг билдириб ки, Талибанла һәрби гаршыдурма давам едир.
342/
12 sentyabr 2021 - 14:57
Xəbər kodu: 1179363
Әфганыстанын шималындакы Пәнҹшир әјаләтиндә Талибана гаршы дөјүшән милли мүгавимәт гүввәләринин дәстәләри реҝионун үч рајонуну талибләрдән ҝери алыблар.
