Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Пәнҹшир Ҹәбһәсинин хариҹи әлагәләр рәһбәри "Әли Нәзәри" CNN -ә дејиб: "Пәнҹшир бөлҝәсинин 60% -и бу ҹәбһә гүввәләринин нәзарәти алтындадыр."
ҸНН -ин апарыҹысы Пәнҹшир Ҹәбһәси рәсмиси илә бағландығы видео мүсаһибәдә "Талибан, Пәнҹшир Вадисини әлә кечирдикләрини иддиа едирләр" деди. Сиз исә бу иддианы рәдд едәрәк Мүгавимәт Ҹәбһәсинин һәлә дә бүтүн Пәнҹшир Вадисинә нәзарәт етдијини билдирдиниз. Изләјиҹиләримиз үчүн Пәнҹшир Вадисинин мөвҹуд вәзијјәтини тәсвир един.
Әли Нәзәри ҹаваб верди: "Пәнҹширдә вәзијјәт күтләви информасија васитәләринин јаздыгларындан бираз даһа мүрәккәбдир. Талибан бүтүн әјаләти әлә кечирмәјиб. Јалныз әсас јолу тутдулар. Губернаторлуг бинасы әсас јола јахын олдуғу үчүн бајрағыны орада галдыра билдиләр. Лакин Пәнҹшир Вадиси, Пәнҹшир вилајәти (бөлҝәси) чох чәтиндир вә ҹоғрафи мөвгеји ишғалчынын бүтүн вадини әлә кечирмәсинә имкан вермир.”
О, даһа сонра дедикләринә белә әлавә етди: "Руслар (Совет һакимијјәти дөврүндә) буну едә билмдиләр вә инди дә Талибан буну едә билмир. Вадинин 60% -и бизим нәзарәтимиз алтындадыр. 60 илә 64% арасында. Чүнки Пәнҹширин бир чох дәрә шахәләри вар. 15-дән чох дәрә шахәләри вар ки, һамысы нәзарәтимиз алтындадыр. Пәнҹширин бүтүн стратежи мөвгеләри нәзарәтимиз алтындадыр. Тактики олараг әсас јолдан чәкилдик вә ҝери дөнмәк нијјәтиндәјик. Сон ики ҝеҹәдә шиддәтли бир гаршыдурма јашадыг. Талибан ағыр иткиләр верди вә заман кечдикҹә бүтүн Пәнҹшир (Талибандан) тәмизләнәҹәк.
Гејд едәк ки, үч ҝүн әввәл хәбәр мәнбәләри Пакистанын пилотсуз тәјјарәләринин Әфганыстанын Пәнҹшир Вадисинә зәрбәләр ендирдијини билдирди.
Шимали Әфганыстан Мүгавимәт Ҹәбһәси илә әлагәли ики мәнбәјә ҝөрә, бу јахынларда Пәнҹшир әјаләтиндә баш верән дөјүшдә, әјаләти таныјан вә бөлҝәнин хәритәси олан Пакистан хүсуси тәјинатлылары мүгавимәт гүввәләринин галаларына һавадан һүҹум едиб.
Пакистанлы командо вә хүсуси тәјинатлыларын Пәнҹширә һүҹум етдијини билдирән Спутник хәбәр аҝентлији билдириб: “ Пәнҹшир әмәлијјатлары Пакистан кәшфијјат идарәсинин (ISI)-нин Кабулда рәһбәри ҝенерал Фаиз Һәмидин иштиракы илә давам етдирилир.”
………………….
Хәбәрин сону / 218
Диггәт: Хәбәрдән Истифадә Етдикдә Мәнбәјә Истинад Лазымдыр!
