АБНА24 Хәбәр Верир, ГМИ-нин мүәјјәнләшдирдији гајдалара әсасән дини ибадәтләр үмуми олараг 50 нәфәрдән чох олмамаг шәртилә тәшкил едилмәлидир.Јалныз ҸОВЫД-19 паспортуна малик олан шәхсләрин ибадәт јерләриндә дини ајинләрин иҹрасында иштиракына иҹазә верилир. 14 јашдан јухары олмајан ушагларын ибадәт јерләринә ҝәтирилмәсинә јол верилмир.
Тәлиматда һәмчинин мәсҹид вә диҝәр ибадәт јерләринә ҝәләнләрин маскадан, антисептик мәһлулдан истифадә етмәли олдуглары билдирилир, әл ҝөрүшләринә гадаға тәтбиг олунур. Ибадәт јериндә мәсафә сахланылмасы төвсијә едилир.
Һәмчинин билдирилир ки, Мәсҹиддә ибадәт етмәк истәјән шәхсләр өзләри илә сәҹҹадә вә мөһүр ҝәтирмәлидирләр;
ГМИ-нин мәсҹидләр вә диҝәр ибадәт јерләриндә иштирак гајдаларында дејилир: Ибадәт етмәк истәјән шәхсләр мәсҹидә јалныз намаз вахты, диҝәр ибадәт јерләринә мүвафиг ибадәтләр иҹра олунан заман ҝәлмәли вә намаз (ибадәт) битдикдән сонра мәсҹиди (ибадәт јерини) тәрк етмәлидирләр. Бу заман иҹтимаи јерләрдә групларда ҹәмләнмәјә даир тәләбләрә ҹидди әмәл едилмәлидир.
О да гејд олунур ки, мәсҹидләрин имамлары, иҹма сәдрләри вә диҝәр ибадәт јерләринин мәсул шәхсләри бу гајдаларын иҹрасына нәзарәт етмәлидирләр.
ГМИ-нин мүәјјәнләшдирдији гајдаларда 14 јашындан ашағы оланларын мәсҹидә вә ибадәт јерләринә бурахылмамалары бәзиләринә ҝөрә, пандемија илә дејил, сон вахтлар дини етигад вә виҹдан азадлығы барәдә гануна едилән дәјишикликлә әлагәдардыр. Белә ки, парламентдә гәбул олунан һәмин дәјишикликләрә ҝөрә, ушаг вә јенијетмәләрин дини менталитетә ујғун тәрбијәсинә ҹидди гадаға тәтбиг едилир.
ГМИ-нин гајдаларында мәсҹид вә ибадәт јерләринин намаз вә ибадәт битән кими тәрк едилмәси дә анлашылмазлыглара сәбәб олуб беә ки, әҝәр ҝәләнләрин һамысында пандемија пасборту варса онларын мәсҹиди вә ибадәт јерләрини тәләм-тәләсик тәрк етмәләринә ејтијаҹ јохдур.
342/
2 iyun 2021 - 14:46
Xəbər kodu: 1146955
Гафгаз Мүсәлманлары Идарәси мәсҹид вә диҝәр ибадәт јерләриндә риајәт олунмалы олан гајдалары ачыглајыб.
