АБНА24 Хәбәр Верир, бу барәдә Америка Ермәни Милли Комитәси мәлумат јајыб.
Мәлуматда дејилир ки, Ермәнистана ајрыҹа хәтлә 600 мин долларлыг һәрби јардым тәклиф олунуб.
АБШ-да Ҹо Бајденин һакимијјәтә ҝәлмәсиндән дәрһал сонра бу дөвләтин Ермәнистана лојаллығы икигат артыбдыр. 24 апрелдә гондарма ермәни сојгырымынын танынмасы, бунун ардынҹа Гарабағ мәсәләсиндә узунмүддәтли сијаси һәлл јолуна тәкид етмәси Бирләшмиш Штатларын сијаси зәминдә Ирәвана дәстәјинин әламәти кими гијмәтләндирилир. Малијјә мәсәләсинә ҝәлинҹә исә, АБШ өтән 30 илдә әһалисинин сајына ҝөрә Исраил режиминдән сонра Ермәнистана даһа чох малијјә јардымы ајырыбдыр.
Гејд едәк ки, Ермәнистан мүстәгиллијини әлдә етдикдән сонра, АБШ даим бу өлкәјә “ҹәмијјәтин демократикләшмәси” вә с. кими програмларынын һәјата кечирилмәси бәһанәси илә ҹидди малијјә јардымы ҝөстәрир. Тәк 2000-ҹи илдә АБШ-ын Ермәнистана малијјә јардымы 102,4 милјон доллар тәшкил едиб. 2005-ҹи илдә Ермәнистанын Вашингтондан әлдә етдији һәрби јардым 5 милјон доллар тәшкил етди. Һәмин илдә АБШ Ермәнистан Силаһлы Гүввәләринин рабитә системини модернләшдирмәк үчүн әлавә 7 милјон доллар ајырды. Бу јардымлар сонракы илләрдә дә давам етдирилди.
Мараглыдыр ки, АБШ Ермәнистанла јанашы Гарабағдакы ермәни сепаратчыларыны да унутмур вә һәр ил Бакыдан иҹазәсиз она да малијјә јардымлары ајырыр.
342/
30 may 2021 - 14:27
Xəbər kodu: 1145933
АБШ Президенти Ҹо Бајденин администрасијасы Ермәнистана 24 милјон долларлыг јардым пакети тәклиф едир.
