АБНА24 Хәбәр Верир, 1992-ҹи ил мајын 7-дән 8-нә кечән ҝеҹә ермәни һәрби бирләшмәләри 11 мин нәфәрлик гошунла үч истигамәтдән Шуша шәһәринә һүҹум едиб вә Гала шәһәри ишғал олунуб.
Ишғал нәтиҹәсиндә Шуша шәһәри вә рајонун 30 кәнди дағыдылыб, 195 нәфәр динҹ сакин һәлак олуб, 165 нәфәр јараланыб, 58 нәфәр иткин дүшүб, 24 миндән чох инсан етник тәмизләмәјә мәруз галыб.
Азәрбајҹан халгы үчүн мүстәсна тарихи, мәдәни, мәнәви вә рәмзи әһәмијјәтә малик олан Шуша шәһәринин ишғалы илә Азәрбајҹан халгынын мадди-мәдәни вә мәнәви ирсинә ағыр зәрбә вурулуб.
Амма Шуша һәсрәтинә азәрбајҹанлы ҝәнҹләр нәһајәт 28 ил 6 ајдан сонра сон гојмағы баҹардылар. 44 ҝүн давам едән Вәтән мүһарибәсинин 42-ҹи ҝүнүндә јәни нојабрын 8-дә азәрбајҹанлыларын илләрдир һәсрәтиндә олдуғу Шуша шәһәри ишғалдан азад едилди вә елә һәмин ҝүн Шушада Азәрбајҹан бајрағы галдырылды.
Шуша Азәрбајҹан әсҝәринин пешәкарлығы, онун ҝүҹү вә гүдрәти нәтиҹәсиндә дүшмән тапдағындан азад едилиб. Азәрбајҹан һәрбчиләри дағлардан, мешәләрдән, дәрәләрдән, сылдырым гајалардан кечәрәк Шушаны азад едибләр.
Бу шанлы гәләбәдә инанҹ әһлинин исә бөјүк пајы олмушдур Вә Шуша мәсҹидиндән азад сәсинин уҹалмасы һәм Азәрбајҹан халгыны, һәм дә бүтүн диҝәр мүсәлманлары севиндирмишдир.
Тренд-ә ачыгламасында Иран парламентинин депутаты Вәли Исмаили дејиб: Азәрбајҹан ордусунун Шуша шәһәрини ишғалдан азад етмәсинә бүтүн мүсәлманлар севинир. Вә чох севинирик ки, узун илләрдән сонра Шуша мәсҹидиндә азан сәси ешидиләҹәк. Бу исә бүтүн мүсәлманлары севиндирән нүансдыр.
ЫҸЕСҸО-нун баш катиби јанварын 14-дә Бакыда оларкән тәклиф едиб ки, Шуша Ислам дүнјасынын мәдәнијјәт пајтахты елан олунсун. Бунунла белә Азәрбајҹан Республикасынын президент Илһам Әлијев мајын 7-дә Шуша шәһәринин Азәрбајҹанын мәдәнијјәт пајтахты елан едилмәси һаггында сәрәнҹам имзалајыб.
342/
8 may 2021 - 20:53
Xəbər kodu: 1139016
29 илдән сонра Азәрбајҹан халгы Шушанын ишғалы ҝүнү - 8 мајы илк дәфә олараг азад шәкилдә гаршылајыр.
