АБНА24 Хәбәр Верир, Иран Ислам Республикасы Ордусунун дәниз гүввәләринин "Дәниз Игтидары 99" адлы һәрби тәлимләри "Ја Зәһра (с.ә) коду илә бу ҝүн Мәкран саһилләриндә вә Һинд Океанынын шималында башлајыб. Ҝөзләнилмәдән баш тутан тәлимин илк мәрһәләсиндә Ордунун дәниз гүввәләринин суүстү, суалты вә авиасија бөлмәләри һәрби тәлимләрин үмуми мәнтәгәсинә тәрәф јајылыблар ки, сонрадан өзләринин ихтисаслашмыш тәлим-мәшгләрини өнҹәдән тәјин олунмуш ссенари әсасында һәјата кечирмиш олсунлар. Дәниз-дәниз типли дәниз круз ракет нөвләринин атылмасы, ордунун дәниз гүввәләринин јерли суалты гајыгларындан торпеданын атылмасы, саһил вә дәниздә хүсуси әмәлијјат групларынын ихтисас тәлимләри, һәмчинин ПУА вә радиоелектрон мүбаризә әмәлијјатынын һәјата кечирилмәси дә бу тәлим-мәшгләрин диҝәр бөлмәләриндәндир. Иран Ислам Республикасы Ордусунун дәниз гүввәләринин 99-ҹу «Дәниз Игтидары» һәрби тәлимләринин сөзчүсү контр-адмирал Һәмзә Әли Кавјани бу һәрби тәлимләр барәдә белә дејиб: Бу тәлимләр гәфил формада кечирилир вә елан олунмуш замандан чох гыса бир вахтын кечмәсилә тәлимләрдә иштирак едән бөлмәләр мәнтәгәјә јајылдылар.
342/
