АБНА24 Хәбәр Верир, Сејјед Әббас Әрагчи вурғулајыб ки, Бакыја сәфәри Азәрбајҹан Республикасы илә Ермәнистан арасындакы дөјүшләрә сон гојулмасында тәсирли олан бәзи реҝион өлкәләринә дөври сәфәр чәрчивәсиндә һәјата кечир. Гејд едиб ки, сәфәрдә әсас мәгсәд, Азәрбајҹан Республикасы илә Ермәнистан арасындакы конфликтин һәлли вә бу ики өлкә арасында давамлы сүлһә наил олмаг истигамәтиндә Иран Ислам Республикасынын тәклиф етдији тәшәббүс планыны тәгдим етмәкдир. Иран Ислам Республикасы президентинин хүсуси нүмајәндәси Азәрбајҹан Республикасы әразиләринин ишғалына сон гојулмасы мәсәләсини Иранын тәшәббүс планындакы ваҹиб бир елемент адландырыб вә белә сөјләјиб: Азлыгларын һүгугларынын горунмасы вә достҹасына инсан һүгуглары, Иранын Гарабағ мүнагишәсинә сон гојмаг үзрә тәшәббүс планынын диҝәр бир әсасыдыр. Әрагчи сонра белә гејд едиб: Сүлһүн тәмин едилмәси мәгсәдилә тәсирли өлкәләрин көмәјилә конфликтә сон гојулмасы вә данышыгларын башланмасы Иран Ислам Республикасынын тәшәббүс планынын диҝәр әсас истигамәтләриндәндир. Иран Ислам Республикасы илә Азәрбајҹан Республикасыны ики дост вә гоншу өлкә адландыран Иран хариҹи ишләр назиринин сијаси мәсәләләр үзрә мүавини һәмчинин дејиб ки, Иран Азәрбајҹан Республикасынын өз ишғал олунмуш шәһәр вә бөлҝәләринин азад едилмәси үзрә сәјләрини даима һимајә едир. Азәрбајҹан Республикасынын баш назир мүавини Шаһин Мустафајев, хариҹи ишләр назири Ҹејһун Бајрамов вә бу өлкә президентинин көмәкчиси Һикмәт Һаҹыјев вә Азәрбајҹан Республикасынын диҝәр рәсмиләри илә ҝөрүшләр Әрагчинин Бакы сәфәринин програмларындандыр. Әрагчи Азәрбајҹан Республикасы рәсмиләрилә данышыглардан сонра Москваја вә Ирәвана, даһа сонра исә Анкараја сәфәр едәҹәкдир ки, Теһранын Гарабағ мүнагишәсинин һәлли барәдә тәклиф етдији тәшәббүс планыны бәјан етмиш олсун.
342/
