АБНА24 Хәбәр Верир, Франсыз «Ҹһарлие Һебдо» нәшри сон заманлар һәјасызҹасына бир һәрәкәтдә әзиз Ислам Пејғәмбәри(с.ә.с.) барәдә һөрмәтсиз вә галмагаллы карикатуралары бир даһа дәрҹ едибдир. Иран Ислами Тәблиғат Тәшкилатынын Координасија Шурасынын сәдр мүавини Носрәтоллаһ Лотфи бу ҝүн белә дејиб: Ислам Ингилабынын Бөјүк Рәһбәринин Бөјүк Ислам Пејғәмбәри(с.ә.с)-ә гаршы һөрмәтсизлији писләјән мүраҹиәтинин јајылмасындан сонра мүхтәлиф груплар етираз аксијалары вә јүрүшләр кечирмәјә өз һазырлыгларыны елан етдиләр вә гәрара алынды ки, сабаһ, ҹүмә ахшамы ҝүнү өлкә сәвијјәсиндә Американын вә сионист режимин рәдд олунмасы истигамәтиндә аксијалар кечирилсин. Лотфи белә бир һалда билдириб ки, Иран халгынын аксијалары сосиал мәсафәјә риајәтлә кечириләҹәкдир. Ислам Ингилабынын Бөјүк Рәһбәри Һәзрәт Ајәтуллаһулузма Хаменеи чәршәнбә ахшамы ҝүнү бир мүраҹиәтдә франсыз нәшрин Бөјүк Ислам Пејғәмбәри(с.ә.с)-ин нурлу вә пак симасына һөрмәтсизлик етмәсини писләјәрәк, билдирдиләр ки, сионистләрин вә залым һөкумәтләрин тамамилә анти-Ислам сијасәтләри, вахташыры өзүнү ҝөстәрән бу кими дүшмәнҹәсинә һәрәкәтләрин амилидир. Һәзрәт Ајәтуллаһулузма Хаменеи сонра вурғуладылар: Бу һәрәкәт һазыркы заман кәсијиндә Американын вә сионист режимин Гәрби Асија үчүн нәзәрдә тутдуглары «бу бөлҝә халглары вә һөкумәтләринин зеһинләрини нәһс планлардан јајындырмаг» планы үзрә стимула да чеврилә биләр. Ислам Ингилабынын Бөјүк Рәһбәри вурғуладылар: Мүсәлман халглар, хүсусән Гәрби Асија өлкәләринин халглары бу һәссас бөлҝәнин мәсәләләриндә сајыглығы горумагла/ гәрбли сијасәтчиләр вә һөкмранларын Ислама вә мүсәлманлара гаршы дүшмәнчиликләрини унутмамалыдырлар.
342/
