АБНА24 Хәбәр Верир, Ливијанын Милли Бирлик Һөкумәтинин ордусу Русијанын сон заманлар Ливијанын һәрби базаларындан биринә силаһ дашыјан бир нечә һәрби тәјјарә ҝөндәрдијиндән хәбәр вериб. Бу мәлумата ҝөрә Русија Ливијаја 5 әдәд "Ил - 76" јүк тәјјарәси ҝөндәриб. Ливија ордусунун сөзчүсү даһа 4 јүк тәјјарәсинин дә Ҝенерал Һәфтәрин табелијиндә олан силаһлы гүввәләрин нәзарәти алтында олан Бенгази шәһәринә вә Әл-Әбрәг һава лиманына дүшдүјүнү дејиб. Ливијанын Милли Бирлик Һөкумәти 2015-ҹи илдә тәшкил олунуб вә БМТ тәрәфиндән рәсмән таныныр. Ливанын Милли Бирлик Һөкумәти өтән јаз Түркијәнин дәстәји илә Хәлифә Һәфтәрин силаһлы дәстәсини пајтахт Триполидән узаглашдырмаға наил олуб. Ливијанын Милли Бирлик Һөкумәти ардыҹыл уғурлар әлдә етмәсинә бахмајараг, Франса вә Мисирин тәһдидләринин ардынҹа Хәлифә Һәфтәрә гаршы һәрби әмәлијјатлары дајандырмаға мәҹбур олду. Сон заманлар Русија Хариҹи Ишләр Назирлији Москванын Түркијә илә јанашы Ливијада сабитлијин бәргәрар едилмәси вә силаһлы тоггушмаларын дајандырылмасына чалышдығыны елан етди.
342/
