АБНА24 Хәбәр Верир, Сеййед Әббас Моусәви дүнән ҝеҹә Американын Иран мәсәләләри үзрә хүсуси нүмайәндәси Брайан Һоокун сөзләринә, һәмчинин реҝион өлкәләринә гаршы тәфригә маһиййәтли тапшырығына вә Иран әлейһинә тәһдидләринә реаксийада онун тәрәфиндән дейилмиш сөзләри әсассыз адландырыб вә кәскин тәрздә писләйәрәк, рәдд едибдир. Иран Хариҹи Ишләр Назирлийинин мәтбуат катиби сонра дейиб: Һоок ейни заманда силаһ мәһдудиййәтләринин узадылмасы мәсәләсини әсассыз шәкилдә әсасландырмаг үзрә әбәс сәйлә Ирана гаршы һәрби сечимдән данышыр. Бу сечимин истеһлак мүддәти баша чатыб вә илләр бойудур ки, ону Американын иллүзийалы президентләринин масалары үзәриндә торпаг басыбдыр. Иранын дипломатийа апаратынын сөзчүсү сонра вурғулайыб: Реҝиона гаршы реал тәһдид, Американын сәбатсызлашдырыҹы вә тәхрибатчы иштиракы, реҝионун һәрби базалара чеврилмәси, һәмчинин бу өлкәнин һәрби сәнайесинин мәһсулларынын асан сатышы мәгсәдилә горху йаратмаг вә тәфригә салмаға ҝөрә, бөлҝәнин инкишафынын гаршысынын алынмасыдыр. Моусәви билдириб ки, реҝионун тәһлүкәсизлийинин реҝион өлкәләри тәрәфиндән тәмини Иран Ислам Республикасынын сабит вә принсипиал сийасәтидир. О, сонра дейиб: Иранын һәрби програмларынын маһиййәти тамамилә мүдафиә характерлидир.
342/
