АБНА24 Хәбәр Верир, Мәһәммәд Ҹавад Зәриф БМТ баш катибинин, бу тәшкилатын тәһлүкәсизлик шурасынын Иранла нүвә анлашмасы илә бағлы 2231 саjлы гәтнамәсинин иҹрасы барәдә олан дөври һесабатынын арашдырылмасы истигамәтиндә кечирилән онлине иҹласында деjиб: 2231 саjлы гәтнамәдә нәзәрдә тутулан силаһ мәһдудиjjәтләринин арадан ҝөтүрүлмәси үзрә заман чәрчивәси чәтин анлашманын аjрылмаз бир һиссәси кими әлдә олунуб вә бу, нүвә анлашмасы тәрәфләрини сонда һәмин анлашма вә 2231 саjлы гәтнамә үзрә күлли пакет барәдә разылыға ҝәлмәjә гадир едибдир. Мәһәммәд Ҹавад Зәриф билдириб ки, әҝәр бир даһа тәһлүкәсизлик шурасы сүрүндүрмәчилик едәрсә, бу, ганун һакимиjjәтиндә вә мултилатерализмдә бир нәсил ҝериjә гаjыдыш демәк олаҹагдыр. О, деjиб: Америка һөкумәтини мәзәммәт етмәк вә jа һеч олмаса, онун ардыҹыл позунтуларыны арашдырмаг үчүн һәтта бир дәфә дә олмуш олса белә, тәһлүкәсизлик шурасынын иҹласы кечирилмәjибдир. Лакин әвәзиндә, шуранын бәзи авропалы үзвләри гәтнамәни вә шураны даһа чох позмаг фикриндәдирләр. Онлар нүвә анлашмасы барәдәки өһдәликләринә садиг деjилдирләр. Зәриф вурғулаjыб: Бирләшмиш Штатлар өзүнүн бәзи әмәлләри илә катиблиjә тәзjиг ҝөстәрибдир ки, 2231 саjлы гәтнамәдән jаjындырыҹы бир охунуш гәрарына ҝәлмиш олсун. Катиблиjи онун иддиасыны төрәтмәjә вә тамамилә геjри-пешәкар һесабат һазырламаг үчүн сахта сәнәдләр дүзәлтмәjә мәҹбур едибдир. Иранын хариҹи ишләр назири БМТ катиблиjинин 2231 саjлы гәтнамә барәдәки һесабаты һагда белә сөjләjиб: Иран нүвә анлашмасындакы jердә галан тәрәфләрин өз вәдләрини jеринә jетирмәjә гадир олмалары үчүн хошмәрамлылыға сөjкәнән фәалиjjәтилә бу әвәзчыхма аддымындан чәкинибдир. Мәһәммәд Ҹавад Зәриф вурғулаjыб: Там бир ил мүддәтинә нүвә анлашмасынын там шәкилдә иҹрасыны давам етдирдик. О, сонра деjиб: Теһранын әвәзчыхма аддымлары бу ҝүнәдәк МАГАТЕ-нин Иранын динҹ мәгсәдли нүвә програмы барәдәки нәзарәти вә һәгигәтин jохланылмасында һеч бир тәсирә малик олмаjыбдыр. Һалбуки Иранын динҹ мәгсәдли нүвә програмы тарихдә ән сәрт тәфтиш системи алтындадыр. Иранын хариҹи ишләр назири вурғулаjыб ки, Иран Ислам Республикасы өз тәһлүкәсизлиjи вә сәадәтинин тәмини үчүн башгасындан асылы деjилдир. О, сонра деjиб: Американын Иран халгыны тәслим етмәк үзрә 40 иллик сәjи уғурсуз галыбдыр.
342/
