АБНА24 Хәбәр Верир, Мәҹид Тәхте Рәванчи геjд едиб ки, Америка ардыҹыл сурәтдә сионист режими һимаjә едәрәк, Тәһлүкәсизлик Шурасыны бу ҹинаjәтә нисбәтән фаjдасыз едибдир. О, чәршәнбә ҝүнү БМТ Тәһлүкәсизлик Шурасынын Фәләстин мөвзулу иҹласында сонра белә деjиб: Фәләситинин ишғалынын Гәрби Асиjа бөһранынын әсас сәбәби олдуғу бир һалда, сионист режим Фәләстинин ишғал олунмуш әразиләриндән мүәjjән һиссәләрин илһаг едилмәси планыны иҹра етмәклә өз ҹинаjәтләри вә репрессиjаларынын jени етапыны ачаҹагдыр. Тәхте Рәванчи сөjләjиб: Белә бир експансианист сиjасәт Гәрби Асиjанын ағыр дурумуну даһа да мүрәккәбләшдирәҹәк ки, бу да реҝионал вә беjнәлхалг сүлһ вә тәһлүкәсизлиjә ҝениш тәсирләр ҝөстәрәҹәкдир. Иранын БМТ-дәки даими нүмаjәндәси деjиб: Американын сионист режими һимаjә етмәси бу режими там тохунулмазлыгла даһа артыг вәһшилик вә ҹинаjәтләр төрәтмәjә сөвг етдирибдир ки, онун нүмунәләри сионист гәсәбәләрин салынмасы вә ҝенишләндирилмәсинин давам етдирилмәси, Гәззә золағынын даими геjри-инсани мүһасирәси, һәмчинин Суриjа вә Ливанын суверенликләринин ардыҹыл шәкилдә позулмасыдыр. Бүтүн бунлар беjнәлхалг ганунлар вә БМТ низамнамәси илә тәзад тәшкил едир. Тәхте Рәванчи сонра деjиб: БМТ фәләстинлиләрин өз мүгәддәратларыны тәjинетмә вә Гүдси-Шәриф паjтахт олмагла мүстәгил Фәләстин өлкәсинин jарадылмасынын һәjата кечирилмәси саһәсиндәки мәсулиjjәтләрини jеринә jетирмәлидир.
342/
