Абна24 хәбәр верир, АБШ конгресинин нүмаjәндәләр палатасынын сәдри Ненси Пелоси Вашингтонда конгресин бинасы гаршысында афроамерикалы Ҹорҹ Флоjдун гәтлинә етираз едәнләрдән бир групунун арасында олараг, онлара әл чалмагла бу етиразларла өз һәмрәjлиjини елан едибдир. Доналд Трампын сәрт тәнгидчиләриндән олан Пелоси бундан өнҹә демишди ки, Трамп өлкәни мүттәфиг етмәк jеринә, дахили етиразлары аловландырмагдадыр. Трампын сон ҝүнләр сөjләдиjи сөзләр бир чох тәнгидлә үзләшиб вә бир чохлары ону етиразчылара гаршы зоракылығы тәһрик вә онлары тәһдид етмәкдә иттиһам едибләр. Американын мүхтәлиф шәһәрләри, о сырадан Миннесота штатындакы Миннеаполис шәһәри бу ҝүнләр етиразчы халгын бу өлкә полисинин расистҹәсинә рәфтарына гаршы аксиjа сәһнәләридир. Америкада ағдәрили бир полис кечән һәфтәнин базар ертәси ҝүнү, маjын 25-дә Миннеаполис шәһәриндә Ҹорҹ Флоjд адлы гарадәрили АБШ вәтәндашыны фаҹиәли сурәтдә гәтлә jетирди. Бу ҹинаjәт Америка халгынын һиддәтинә сәбәб олубдур. Амма АБШ полиси вә тәһлүкәсизлик гүввәләри бу өлкәнин президенти Доналд Трампын әмри илә етиразчылара диван тутурлар. Сон ҝүнләр АБШ-дакы етираз аксиjалары заманы минләрлә нәфәр jараланыб вә jа һәбс олунубдур.
342/
