АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын президенти Һәсән Руһани дүнән Франса президенти Еммануел Макронла телефон сөһбәтиндә билдириб ки, коронавирусла мүбаризә санксийа шәраитиндә Иран үчүн диҝәр өлкәләрдән даһа чәтиндир. О, дейиб: Америка һөкумәти Ирана гаршы ганунсуз санксийалар тәтбиг етмәклә бейнәлхалг гайдалары позмагла йанашы, Үмумдүнйа Сәһиййә Тәшкилатынын 2005-ҹи илдә гәбул етдийи сәһиййә гайдалары гәрарыны позур.
Иран президенти БМТ баш катибинин коронавирус пандемийасы дөврүндә өлкәләр арасында атәшкәсин елан олунмасына даир тәшәббүсүнү алгышлайыб. Вурғулайыб ки, Авропа тәрәфиндән нүвә анлашмасындакы өһдәликләрә әмәл едилмәси вә санксийаларын галдырылмасы бир зәрурәт олараг, һазыркы хас шәраитдә дә икигат өнәм кәсб едибдир.
Руһани һәмчинин Американын Ирагдакы һәрәкәтләрини тәһлүкәли һәрәкәт вә бу өлкә илә йанашы реҝионун тәһлүкәсизлийинин зәрәринә олдуғуну билдириб. Гейд едиб ки, Иран реҝионда һеч бир ҝәрҝинлийи йахшы гаршыламыр вә даим реҝионда давамлы сүлһ вә сабитлийин йарадылмасы истигамәтиндә сәй ҝөстәрир вә ҝөстәрәҹәкдир дә.
Франса президенти дә Авропа өлкәләриндә коронавирус пандемийасынын вәзиййәти вә онунла мүбаризә тәрзи барәдә мәлумат тәгдим едиб. Үмидварлыг едиб ки, ИНСТЕКС-ин малиййә механизминдән истифадә илә Иран-Авропа мүбадиләләри артаҹаг вә гаршылыглы малиййә әмәкдашлыглары даһа асан формада һәйата кечириләҹәк.
Макрон һәмчинин Иранын реҝионал мүнасибәтләрдәки мүһүм вә конструктив ролуна тохунуб, реҝионда тәһлүкәсизлик, стабиллик вә сүлһүн ҝенишләндирилмәси истигамәтиндә Иран илә Франса арасында икитәрәфли, реҝионал вә бейнәлхалг анлашма вә һәмкарлыгларын ҝенишләндирилмәсинә тәкид едиб.
............
340
7 aprel 2020 - 07:51
Xəbər kodu: 1023368
Иран Ислам Республикасынын президенти дейиб ки, өлкәләр вә дөвләтләр бир-бириләринин көмәйи, һәмкарлығы вә тәҹрүбәләриндән истифадә етмәмәклә коронавирусла мүбаризә үзрә һазыркы һәссас шәраитдән кечә билмәзләр.
