АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам ингилабынын бөйүк рәһбәри һәзрәт Айәтуллаһүл-үзма Хаменеи бу ҝүн Иранын шәрги Азәрбайҹан вилайәтинин минләрлә әһалиси илә ҝөрүшүндә достлар вә дүшмәнләрин диггәтинин 21 феврал сечкиләриндә олдуғуну билдирәрәк дейибләр: Дүшмәнләрин мәйус олмасы вә Иранын ҝүҹләнмәсинин йеҝанә йолу вә ҝүҹлү Иранын тәзаһүрләриндән бири, ҝүҹлү , ейни заманда лазымы ганунлары гәбул етмәк вә һөкумәтләри истәнилән истигамәтә йөнәлтмәклә өлкәйә тохунулмазлыг верән мәҹлисдир.
Ислам ингилабынын бөйүк рәһбәри реҝионун инадкар режимләриндән бири тәрәфиндән Иран халгыны сечкиләрдә ингилабчы шәхсләрдән йайындырмаг үчүн фарс дилли медиалардан биринә нефт долларларындан бөйүк бир мәбләғ айырмасына тохунараг билдирибләр: Бу мәлумат сечкиләрин кейфиййәти вә неҹә кечирилмәсинин нәгәдәр бөйүк әһәмиййәтә малик олдуғуну ҝөстәрир.
Һәзрәт Айәтуллаһүл-үзма Хаменеи сөзләринин башга бир һиссәсиндә Америка рәсмиләринин Иран вә сечкиләр барәдәки сон бош боғазлыгларына тохунараг билдирибләр: Америка реҝионда дәрин тәсирә малик олан ҝенерал Сүлейманини террор етмәклә реҝиону өз нәзарәтинә алмаг истәйирди анҹаг проссесләр әксинә ҝетди вә Бағдадда ҝениш анти-Америка йүрүшү, Сурийада вә Һәләбдә ҝедән һадисәләр вә реҝиондакы диҝәр мәсәләләр, онларын ҝөзләдикләринин там әксини реаллашдырмыш олду.
Һәзрәт Аһәтуллаһүл-үзма Хаменеи дүшмәнин садәҹә Ҝенерал Сүлейманинин террорунда дейил, 40 иллик бир дөйүшдә даима Иран халгындан зәрбә алдығы вә мәғлуб олдуғуну билдирәрәк әлавә едибләр: Сон 40 илдә америкалылар ислами гурулушу девирмәк үчүн бүтүн сийаси, һәрби, тәһлүкәсизлик, игтисади, мәдәни, медийа вә диҝәр силаһларындан истифадә етдиләр амма нәинки ислами гурулуш деврилмәди һәтта мин дәфә даһа ҝүҹләнди вә Америка исә кечмишдәкиндән даһа зәиф олду.
Ислам ингилабынын бөйүк рәһбәри Американын һәр ҝүн артан зәифлийини шәрһ едәркән онун индики ҝөрүнүшүнүн бәзәнмиш олдуғуну билдирәрәк хатырладыблар: Америка бу ҝүн 22 трилйон доллар борҹла дүнйанын ән борҹлу дөвләтидир вә бу өлкәдә тәбәгәләр арасы фәрг һәмишәкиндән даһа бөйүк олараг дәһшәтли вәзиййәтдәдир.
Һәзрәт Айәтуллаһүл-үзма Хаменеи хора кими Американын ҹанына дүшән айры-сечкилик, тәбәгәләр арасы мәсафә, йохсуллуг вә ҹинайәт барәдә дәһшәтли статистик мәлуматлар вә фактлара тохунараг билдирибләр: Мәшһур Титаник ҝәмисинин тәмтәрағы онун батмасына мане ола билмәдийи кими, Американын ҝөрүнүшүнүн бәзәдилмәси вә онун тәмтәрағы да онун батмасына мане ола билмәйәҹәк вә Америка батаҹаг.
............
340
Ислам ингилабынын бөйүк рәһбәри: Сечкиләрдә иштирак дини, милли вәзифә, һәр бир иранлынын гануни һаггыдыр
19 fevral 2020 - 08:47
Xəbər kodu: 1011595
Ислам ингилабынын бөйүк рәһбәри сечкиләрдә иштиракын дини вә милли вәзифә вә һәр бир иранлынын мәдәни һаггы олдуғуну билдирибләр, "ҝениш иштирак" вә "йахшы сечкиләр" кими ики тәмәлә тохунараг дейибләр: Сечкиләр үмуми ҹиһад вә илаһи немәт вә имтаһандыр вә әҝәр халгын максимум иштиракы илә йанашы оларса ислами гурулушун абрысы, өлкәнин ҝүҹләнмәси, мәкирли планлара гаршы тәзминат вә ҝүҹлү Ирана зәмин олаҹаг.
