Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Икинҹи Дүнја Мүһарибәсиндән сонра Алман фашистләринин лидерләрини мүһакимә едән Нүрнберг Ҹинајәт Мәһкәмәсинин баш прокурору Бенжамин Френҹз гејдә алдығы јазыда билдириб ки, Маршал Гасым Сүлејманинин Америка һәрбичиләри тәрәфиндән Ирагда террор едилмәси әхлагдан узаг вә ганунсуз бир әмәл иди."
"Әсре Иран" информасија сајты 100 јашлы америкалы һүгугшүнасын Нју Јорк Тајмс гәзетиндә јаздығы јазынын там мәтнини белә тәрҹүмә едиб:
"Һазырда өмрүмүн 100-ҹү илин јашајырам. Сакит гала билмәрәм. Мән 1921-ҹи илин Јанвар ајында, јохсул мүһаҹир үнванында Америкаја ҝәлмишәм. Өзүмә вәзифә билирәм ки, Америка Бирләшмиш Штатларынын мәнә бәхш етдији бүтүн јахшылыглары мүгабилиндә өз борҹуму јеринә јетирим.
Мән икинҹи дүнја мүһарибәсиндә америкалы әскәр үнванында дөјүш мејданларында иштирак етмишәм. Икинҹи дүнја мүһарибәсиндән сонра да милјонларла көрпә, гадын вә кишиләрин өлүмүнә сәбәб олан Алман фашистләринин лидерләнин мүһакимәсиндә баш прокурорлуг вәзифәсини дашымаг ифтихары мәнә нәсиб олуб.
Америка дөвләти сон ҝүнләрдә елан етди ки, президентин ҝөстәришләринә ујғун шәкилдә, һал-һазырда мүһарибә етмәдијимиз бир өлкәнин һәрби сәркәрдәләриндән биринин арадан ҝөтүрүлмәси әмәлијјатыны иҹра едиб. Мән Һарвард һүгуг университетинин мәзуну, һүгуг һаггында хејли сајда мәгаләләрин саиби бу әхлаг нормаларындан кәнар олан рәфтары өлкә вә бејнәлхалг ганунлары ачыг ашкар шәкилдә позмаг кими дәјәрләндирирәм.
Ҹәмијјәтин билмәк һаггы вардыр. Бирләшмиш Милләтләр Тәшкилатынын Низамнамәси, Бејнәлхалг Ҹинајәт Мәһкәмәси вә Һаага Бејнәлхалг Әдаләт Мәһкәмәси вә саир вә диҝәр органларын һамысы кәнара гојулду. Бу кибер дүнјада ҹаванлар һарада олдугларындан аслы олмајараг һәлак едиҹи хәтәрлә үзләшибләр. Мәҝәр ки, биз мүһарибәни ганундан үстүн тутанларын гәлб вә бејинләрини дәјишәрәк дүнјаја бахышларыы әвәзлә биләк."
Диггәт: Хәбәрдән истифадә етдикдә мәнбәјә истинад лазымдыр!
