АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әлҹәзаир халгы өз етиразларынын 30-ҹу ҹүмәсиндә һәмчинин бу өлкәдә коррупсийада иттиһам олунанларын мүһакимә едилмәләрини вурғулайыбдыр.
Әлҹәзаирин кечмиш президентинин үмуми фикрин тәзйиги алтында апрелин икисиндә истефа вермәсиндән бәри бу өлкә халгы Бутәфлигә дөврүнүн үнсүрләринин, о ҹүмләдән мүвәггәти президент Әбдулгадир бин Салиһин кәнарлашдырылмасыны тәләб едир.
Әлҹәзаирлиләр исрар едирләр ки, Бутәфлигә дөврүнүн шәхсиййәт вә органлары кечид мәрһәләсинин идарә едилмәсини әлләринә алмасынлар. Онлар өзләринин бу тәләбләринә тәкид етмәк үчүн һәр ҹүмә аксийа кечирирләр. Әлҹәзаир халгы бу өлкәдә әсаслы дәйишикликләр истәйир.
Әлҹәзаирлиләрин етиразлары кечмиш президент Әбдуләзиз Бутәфлигәнин бешинҹи дәфә далбадал президентлийә намизәд олмасы илә башланды вә нәһайәт Бутәфлигәнин кәнарлашдырылмасы илә нәтиҹәләнди.
Әлҹәзаир президент сечкиләри ийулун 7-дә кечирилмәли иди, амма һеч кәсин бу сечкиләрә намизәд олмадығы үчүн сечкиләр башга бир замана сахланылды вә бин Салиһин президентлик дөврү дә узадылды.
......
340
